Крымінальная справа ў дачыненні Андрэя Пачобута спыненая

|

Паводле афіцыйнага прадстаўніка УСК па Гродзенскай вобласці Сяргея Шэршэневіча, у сувязі з тым, што высновы лінгвістычных экспертыз разыходзяцца, а ў часе папярэдняга следства не здабыта аб’ектыўных дадзеных, якія пацьвярджаюць здзяйсненне Пачобутам злачынства, сёння вынесена пастанова пра спыненне папярэдняга расследавання ў сувязі з недаказанасцю ўдзелу абвінавачанага ў здзяйсненні злачынства.

 

Падпіска аб нявыездзе ў дачыненні Андрэй Пачобута адмененая.

Журналіст другі раз абвінавачваўся ў злачынстве паводле арт.367 КК.

Паводле следства, у публікацыях Пачобута “утрымліваліся паклёпніцкія выказванні ў дачыненні главы дзяржавы”.

 

Летам 2011 года журналіст быў асуджаны да 3 гадоў пазбаўлення волі з адтэрміноўкай.

 

21 чэрвеня 2012 года Андрэй Пачобут зноў затрыманы, да 30 чэрвеня правёў у следчым ізалятары, а пасля вызвалены пад падпіску аб нявыездзе.

 

Вінаватым сябе журналіст не прызнаў.

 

Паводле  http://belapan.by