Ацяпленне ў кватэрах будуць адключаць раней
Цяпер падача цяпла будзе прыпыняцца, калі сярэднесуткавая тэмпература паветра будзе трымацца на ўзроўні як мінімум 8 градусаў цягам 3 дзён.
Раней падставай для адключэння цяпла была вышэйзгаданая тэмпературная норма цягам пяці дзён.
Спачатку падача цяпла спыніцца ў грамадскіх, адміністратыўных будынках, на прамысловых прадпрыемствах, затым – у жылых дамах, інтэрнатах, гатэлях. У апошнюю чаргу – у дзіцячых установах, школах, медыцынскіх і сацыяльных установах, музеях, бібліятэках.
Рашэнне пра адключэнне ацяплення прымаюць мясцовыя выканаўчыя ўлады.
Паводле Мінжылкамгасу, сёлета, нягледзячы на анамальна халодную вясну, адключэнне ацяплення ў дамах плануецца ў сярэдзіне красавіка, паведаміў начальнік упраўлення энергетыкі і навукова-тэхнічнага развіцця міністэрства Вячаслаў Шмідт.
У апошнія 7 гадоў падача цяпла ў жыллёвы фонд Мінска спынялася менавіта ў сярэдзіне красавіка.
Толькі ў 2011 годзе пратрымалася да 21 красавіка, а ў цёплы красавік 2008 года ацяпленне адключылі ўжо 11 красавіка.
У сярэднім ацяпляльны сезон у Беларусі працягваецца 185 дзён.
Паводле http://www.belta.by