Непадалёк ад беларуска-літоўскай мяжы з’явіцца спартовы кемпінг

21 сакавіка 2013 ТС |

Побач ужо працуе гатэль і кавярня “Родник” гэтага ж інвестара.

Паводле праектнага эскіза, кемпінг размесціцца на плошчы 4 га і будзе складацца з 13 аднамясцовых і 4 двухмясцовых дамкоў.

Плануецца будаўніцтва ўніверсальнай залы для заняткаў рознымі відамі спорту, які зможа прыняць спаборніцтвы найвышэйшага ўзроўню.

Будуць абсталяваныя адкрытыя валейбольная і баскетбольная пляцоўкі, гульнёвыя пляцоўкі для дзяцей, стаянкі для аўтатранспарту.

Інвестар мяркуе, што месца адпачынку будзе запатрабаваным для правядзення збораў і спаборніцтваў, а таксама сярод турыстаў.

Эскіз праекта змешчаны для абмеркавання ў фае Гродзенскага райвыканкама.