Гісторык Андрэй Вашкевіч: У гістарычным цэнтры Гродна – месца для пешаходаў і тралейбусаў
Гродзенцы любяць фарсануць еўрапейскацю свайго горада: вузкія вулачкі ў цэнтры, замкі і касцёлы трохі нагадваюць Кракаў або Прагу. Але гісторыкі і краязнаўцы даўно б’юць трывогу: старадаўняе аблічча Гродна незваротна страчваецца. “Рэканструкцыя” ў разуменні гарадзенскіх уладаў часта прыводзіць да сумнага выніку: кожны год мы не далічваемся старых будынкаў, якія можна было б выратаваць. А “рэстаўрацыя” часта нагадвае касметычны рамонт дрэннай якасці. Яшчэ адна праблема – транспартная загружанасць. Праз гістарычны цэнтр кожны дзень праязджаюць патокі машын. Гісторыкі ўпэўненыя, што такая нагрузка можа прывесці да заўчаснага разбурэння шматлікіх старых будынкаў.
