Куды схадзіць у Гродне ў выходныя 12-13 красавіка
Вернісаж юбілейнай выставы Валянціны Шобы “Каляндар”
Калі: 11 красавіка, пятніца, 17.00
Квадратныя працы, створаныя з мэтай замацаваць кожны сыходзячы дзень года.
Дзе: Гарадзенская выставачная зала, вул. Ажэшкі, 38
За колькі: бясплатна
Начная гульнятэка настольных гульняў ад клуба “Партал”
Калі: 11 красавіка, пятніца, 19.00-2.00
Начная гульнятэка адбываецца раз у два тыдні. Удзельнікаў чакае больш за 40 розных гульняў.
Дзе: вул. Савецкіх пагранічнікаў, 96, першы пад’езд (вуглавы), уваход у падвал
За колькі: 40 000
Фільм Аляксандра Міты “Шагал і Малевіч” у кінаклубе “Ракурс”
Калі: 11 красавіка, пятніца, 19.00
Абмеркаваць стужку, якая выклікала вельмі крытычныя водгукі ў Віцебску, дзе яе здымалі, можна будзе ў старэйшым гарадзенскім кінаклубе.
Дзе: кінатэатр “Чырвоная зорка”, вул. Сацыялістычная, 4
За колькі: 37 000, 42 000, 52 000
Кінаноч з фільмам “Хронікі Нарніі”
Калі: 11 красавіка, пятніца, 21.00
Дзе: антыкафэ “Живое время”
За колькі: па тарыфу антыкафэ 400 р/хв
Выстава птушак
Калі: 12-13 красавіка, 12.00-18.00
На інтэрактыўнай выставе наведнікі Каробчыц пабачаць больш за 30 відаў птушак і змогуць сфатаграфавацца з паўлінамі, якія будуць свабодна гуляць па тэрыторыі комплексу.
Дзе: Гарадзенскі маёнтак “Каробчыцы”
Музейная анімацыйная праграма для дарослых “Nominis umbra”
Калі: 12 красавіка, субота, 13.00
Тэатралізаваны аповед пра апошняга караля Рэчы Паспалітай з элементамі экскурсіі, танцамі, дэгустацыяй і фотасэсіяй. Паўдзельнічаць змогуць толькі першыя 40 чалавек. Запіс па тэл. 74-33-60, 73-05-24. Падрабязней пра праграму тут.
Дзе: Новы замак, вул. Замквая, 20
Прэзентацыя манаграфіі Юрыя Гардзеева
Калі: 12 красавіка, субота, 18.00
У новай кнізе Юрыя Гардзеева “Цывільна-вайсковыя парадкавыя камісіі ў Вялікім Княстве Літоўскім у часы Чатырохгадовага сойма” ёсць шмат цікавага і пра гісторыю Гродна. Больш пра прэзентацыю глядзіце тут.
Дзе: вул. Будзёнага, 48а, зала ва ўнутраным дворыку
Спектакль “Мужчына ў падарунак”
Калі: 12 красавіка, субота, 19.00
Камерны драматычны тэатр г. Мінска прывез у Гродна лірычную камедыю з узроставым цэнзам 16+.
Дзе: Драмтэатр, вул. Маставая, 35, Вялікая зала
За колькі: 60 000, 70 000, 80 000
Этап Кубка свету па ракетамадэльным спорце
Калі: 13 красавіка, нядзеля, 10.00-14.00
Дзе: вёска Путрышкі
Ракетамадэлісты з васьмі краін будуць змагацца пад Гродна 12-13 красавіка. У нядзелю маюць адбыцца найбольш цікавыя для знешніх гледачоў запускі.
Спектакль “Двойчы два”
Калі: 13 красавіка, нядзеля, 19.00
Несур’ёзны роздум аб тэатры і жыцці ў адной частцы. Спектакль з элементамі інтэрактыўнай гульні. Ідэя, рэжысура і харэаграфія Аляксандра Цебянькова.
Дзе: Драмтэатр, вул. Маставая, 35, Малая зала
За колькі: 50 000