У футбольнага “Нёмана” з’явіўся свой уласны жывы талісман

|

Алень Давіда з гарадзенскага заапарка цяпер з’яўляецца талісманам футбольнага клуба “Нёман”. Пра гэта паведаміла прэс-служба гарадзенскага клуба.


У не самы просты для гарадзенскага футболу час кіраўніцтва “Нёмана” вырашыла зрабіць добры ўчынак: узяць апеку над рэдкім аленем, імя якога Капітон.

 

 

Першымі, хто наведаў гадаванца, сталі юныя спарцмены з футбольнай школы “Нёмана”.

 

Не так даўно, гарадзенскі заапарк пераняў папулярную ў свеце сістэму апякунства над жывёламі. Любы ахвотны (прыватная асоба або фірма) могуць узяць пад апеку любую вольную жывёлу.

 

Для гэтага заключаецца дамова на апеку, згодна з якой апякун аплочвае харчаванне гадаванца. Апякун мае права размясціць таблічку са сваёй інфармацыяй на вальеры жывёлы і атрымаць абанемент на ўвесь час апекі. Таксама ён атрымлівае ганаровы  дыплом апекуна.

 

 

Такім чынам, сваіх апекуноў займелі поні, насухі, усходні  журавель, кобра, сіне-жоўты ара, лебедзь-шыпун, чырвоны паку. Зараз ёсць каму паклапаціцца і пра аленя Давіда.

 

 

У многіх краінах свету існуе такая традыцыя, што жывы талісман практычна заўсёды выводзяць перад пачаткам сезону на стадыён і знаёмяць з гледачамі. У нас, на жаль, пакуль зрабіць падобнае немагчыма.

 

Але жыхароў і заўзятараў гарадзенскага футболу больш цікавіць іншае пытанне: Ці зможа алень Давіда дапамагчы “Нёману” выбрацца з крызісу? 

 

 

 

Здымкі Руслана Кулевіча.

 

Чытай таксама:Князь Шархан і яго сяброўка Тайга: знаёмімся з гарадзенскімі тыграмі

 

Кенгуру любіць цыбулю, тукан – садавіну. Чым харчуюцца жывёлы ў Гродзенскім заапарку

 

Як жывёлы гарадзенскага заапарку ратуюцца ад спёкі

Слон у Гродне: гісторыя ад пачатку да нашых дзён