Рэшту ў магазіне пасля дэнамінацыі могуць выдаць старымі і новымі купюрамі адначасова
Пры разліку з пакупніком у яго будуць прымацца тыя грашовыя знакі, якія пакупнік дасць касіру. Касір выдае здачу ў грашовых знаках, якія ёсць у наяўнасці (толькі ўзору 2000 года або толькі ўзору 2009 года, або і тымі, і другімі).
Пры гэтым Міністэрства гандлю рэкамендуе ў першую чаргу выдаваць здачу ў грашовых знаках узору 2009 года, што дасць магчымасць хутчэй выводзіць з абароту купюры ўзору 2000 года.
Касавае абсталяванне можа працаваць толькі ў адным з рэжымаў (у рэжыме “рублі” або ў рэжыме “рублі. капейкі”). Адпаведна касавы чэк можа змяшчаць інфармацыю аб грашовых сумах (цана тавару, сума скідкі, канчатковая сума чэка, унесеная пакупніком сума, сума здачы) у грашовых знаках узору 2000 года (без капеек) або 2009 года (з капейкамі).
Нацбанк Беларусі паказаў новыя беларускія грошы
У Мінгандлю распавялі, як крамам акругляць кошты пасля дэнамінацыі
Мінгандаль дазволіў магазінам і кафэ не працаваць у ноч на 1 ліпеня
Малако за 86 капеек, шампанскае за 4 рублі. Гарадзенскія крамы выстаўляюць новыя цэннікі
Суб’екты гаспадарання самастойна вызначаюць рэжым работы ў пераходны перыяд у залежнасці ад тэхнічнай магчымасці абсталявання і гатоўнасці ўсёй праграмнай інфраструктуры аб’ектаў. Разам з тым, Мінгандаль лічыць неабходным паскорыць перавод касавага абсталявання на работу ў рэжыме “рублі. капейкі”. У першую чаргу гэта датычыцца абсталявання, да якога падключаны плацежныя тэрміналы.
Мінгандаль таксама растлумачыў асаблівасці афармлення цэннікаў ювелірных вырабаў з каштоўных металаў. Так, з 1 ліпеня па 31 снежня цэны ювелірных вырабаў з каштоўных металаў у грашовых знаках 2000 і 2009 гадоў павінны быць пазначаны за грам і за выраб. Спецыялісты таксама нагадваюць, што пры вызначэнні рознічных цэн на вагавыя вырабы з каштоўных металаў, адпускныя цэны на якія ўстаноўлены за грам вырабу, спачатку акругляецца рознічная цана 1 г вырабу да цэлага ліку капейкі, потым рознічная цана вырабу ў адпаведнасці з агульным парадкам акруглення цэн.
