Мікалаю Аўтуховічу – 50 гадоў

|

У маі 2010 года Мікалай Аўтуховіч рашэннем Вярхоўнага суда быў асуджаны па ч. 3 арт. 295 КК (незаконныя дзеянні ў адносінах да агнястрэльнай зброі, боепрыпасаў і выбуховых рэчываў) на пяць гадоў і два месяцы пазбаўлення волі з адбываннем пакарання ў калоніі строгага рэжыму.

 

Першапачаткова Аўтуховіч абвінавачваўся ў падрыхтоўцы тэрарыстычнага акта ў дачыненні да намесніка міністра па падатках і зборах Васіля Каменкі і былога старшыні Гродзенскага аблвыканкама Уладзіміра Саўчанкі, а таксама ў арганізацыі падпалу дома экс-начальніка Ваўкавыскага РАУС Сяргея Кацубы ў 2004 годзе. Суд гэтыя абвінавачванні зняў.

 

Праваабаронцы лічаць Аўтуховіча палітзняволеным і ўказваюць на сур’ёзныя працэсуальныя парушэнні, зафіксаваныя падчас суда.

У 2010 годзе Мікалай Аўтуховіч трапіў у складзены Freedom House спіс пятнаццаці найбольш вядомых у свеце палітвязьняў.

 

Аўтуховіч адбываў пакаранне ў Івацэвіцкай калоніі №5. Там з-за невяносных умоваў учыніў спробу самагубства.

 

17 студзеня 2012 года суд пастанавіў, што былы прадпрымальнік не стаў на шлях выпраўлення, таму для адбывання пакарання будзе пераведзены ў турму.

Рэшту тэрміну палітвязень адбывае ў Гродне.

 

22 жніўня ён упершыню за год сустрэўся з сям’ёй.

 

Упершыню Мікалай Аўтуховіч трапіў за краты ў кастрычніку 2005 года: за нявыплату падаткаў яго асудзілі на тры з паловай гады.

 

Напісаць ліст вязьню можна па адрасе: 230023, вуліца Кірава 1, Гродна, турма № 1