Да канца года ў Гродне заменяць 15 км цепласетак

|

225 з 442 км цепласетак горада выкарыстоўваюцца больш за 25 гадоў.


Пра гэта паведаміў генерадьны дырэктар “Гроднаэнерга” Уладзімір Шатэрнік.

На забеспячэнне надзейнасці працы сістэм энергазабеспячэння да 2015 года будзе накіравана 158,7 мільёнаў даляраў.

 

На Гродзенскую ТЭЦ-2, якая забяспечвае 76% цэнтралізаванага ацяплення і гарачага водазабеспячэння Гродна, выдаткуюць 154 мільёна даляраў, каля 3,7 мільёнаў – на Паўночную ТЭЦ.

 

Штогод плануецца замяняць не мньш за 10 км сетак.

Аднак праблема бяспекі застаецца актуальнай: на сёння толькі 141 км (28,7%) гарадскіх цепласетак – сучасныя папярэдне ізаляваныя трубы. Таму патэнцыйна небяспечныя ўчасткі правераць дадаткова.

 

За апошнія 10 гадоў у рэканструкцыю цепласетак Гродна ўкладзена 43 мільёна даляраў – рэканструявана 45 км, насосная па вуліцы Бялушы, пабудавана 23.7 км новых сетак.

 

З-за прарыву цеплатрасы, які здарыўся ў 2 гадзіны ночы 18 снежня мінулага году, палова горада засталася без гарачага водазабеспячэння, а некалькі сямей без жытла. Тады супрацоўнікі МНС выратавалі ад кіпеню 11 чалавек.

 

Паводле http:// belta.by

Здымак Вольгі Камягінай з архіву “Твайго стылю”