Прэм’ер-міністр Літвы: Ніколі не будзем купляць энергію з Астравецкай АЭС
“Мы не збіраемся адаптаваць ніякую інфраструктуру для гэтай атамнай станцыі і не збіраемся закупляць электраэнергію з гэтай атамнай станцыі”, – заявіў у чацвер у Сейме прэм’ер, адказваючы на пытанне лідара апазіцыі Андруса Кубілюса пра тое, ці гатовая Літва закупляць электраэнергію з Астраўца.
“У нас не было ніякіх кантактаў з Беларуссю па гэтым пытанні”, – дадаў Буткявічус.
Літва і Беларусь ўваходзяць у адно энергетычнае кальцо пяці краін БРЭЛЛ, якое таксама аб’ядноўвае Расію, Латвію, Эстонію. Літва і іншыя Балтыйскія краіны маюць намер пакінуць БРЭЛЛ і сінхранізаваць сістэму з кантынентальнай Еўропай, аднак гэты працэс пачнецца толькі тады, калі разам з Польшчай Еўракамісія вызначыць тэхнічныя параметры.
Літва запрашае беларускіх экспертаў абмеркаваць бяспеку АЭС у Астраўцы
Літоўскія СМІ нядаўна паведамілі, што Беларусь мае намер ужо ў канцы гэтага года даставіць на пляцоўку Астравецкай АЭС выраблены ў Расіі першы рэактар, які пачне працаваць у 2018 годзе, а другі рэактар - у 2019 годзе. Літоўскія эксперты сумняюцца ў бяспецы гэтай самай таннай у свеце АЭС. Міністр замежных спраў Літвы Лінас Лікнявічус, якi сустрэўся ў чацвер у Мінску з беларускім калегам, запрасіў беларускіх экспертаў прыбыць у Літву і абмеркаваць прэтэнзіі міжнародных арганізацый, звязаных з будаўніцтвам Астравецкай АЭС.
Паводле Baltic News Service