Два дні ў Гродне раўлі маторы магутных аўто: спачатку на Савецкай, дзе з удзельнікамі чэмпіянату мог пагутарыць кожны, а потым на паркоўцы OldCity, дзе пілоты люта палілі гуму.
Суботні вечар адзначыўся адкрыццём V Біг-Міні-фестывалю вулічнага мастацтва. На нашых фота – разнастайнасць вобразаў і жанраў, розных кірункаў: ад жывых статуй да інтэрактыўнага тэатра.
ХІ Фестываль нацыянальных культур напоўніў вуліцы Гродна яскравымі фарбамі і каларытам шматлікіх краін і народаў. Глядзіце ў вялікім рэпартажы Іллі Гелея, як ператварыўся гарадзенскі стары горад у першы дзень свята, і каго можна было там сустрэць. І параўнайце з рэпартажам Яна Лялевіча.
У чацвер, 26 мая, у Гродне адкрыўся новы караоке-клуб “Луна”, які размясціўся ў будынку моладзевага цэнтра “Галактыка”. На ўрачыстым адкрыцці перарэзвалі чырвоную стужку, выступалі музычныя калектывы праекта “Ведай нашых”, а ўсе жадаючыя маглі выпрабаваць сцэну і прадэманстраваць увесь свой вакальны дыяпазон.
Сучасныя кампаніі спрабуюць стварыць для супрацоўнікаў утульную і камфортную прастору, якая дазваляе не толькі адчуваць сябе як дома, але і спрыяе большай прадуктыўнасці. Перадавікі ў гэтай галіне – IT-кампаніі, сярод якіх і EPAM Systems, чый рэгіянальны офіс ёсць у Гродне. “Твой стыль” высвятліў, наколькі камфортна працуецца супрацоўнікам аднаго з самых буйных гульцоў рынка высокіх тэхналогій Беларусі.
Гродзенскі тэатр лялек ужо ў каторы раз прыняў на сваёй сцэне прамяністую Ганну Хітрык і гурт S°unduk. 21 мая яны прывезлі ў Гродна свой новы альбом “Сом”, над якім музыкі працавалі цэлых тры гады. Альбом складаецца з 16 кампазіцый, падзеленых на два дыскі па 8 песень: палова на рускай мове і палова на беларускай.
Захоўваючы векавыя традыцыі, фірма “Макей” займаецца стварэннем дэкаратыўна-мастацкіх вырабаў са скуры. Усе вырабы робяцца толькі з натуральнай скуры і толькі ўручную. Гэта надае і ім арыгінальнасць і асаблівы шарм. “Твой стыль” зазірнуў на знакамітае гарадзенскае прадпрыемства.
