Новую сядзібу Следчага камітэта ў Гродне ўрачыста адчынілі 4 кастрычніка. Будынак па вул. Горкага аднавілі ў рэкордны тэрмін: паміж рашэннем аб рэканструкцыі і зданнем у эксплуатацыю прайшло паўтара года.
Яшчэ ў ліпені з будынка па вул. Астроўскага, 24 знялі дах. Цяпер там павольна ідуць будаўнічыя працы: разабраны ганак ды частка сцен.
На кіёску “Белсаюздруку” з’явіўся надпіс “Квіткоў няма”. Прадавачка патлумачыла, што будзе праходзіць пераразлік коштаў на квіткі. Магчыма, ужо заўтра яны будуць прадавацца па новых коштах.
Незвычайны спосаб вырашаць канфлікты на дарозе прадэманстраваў партал Autogrodno.by і балет Яўгена Якуша.
Зрэжысэраваная “разборка” кіроўцаў завяршылася музыкай і танцамі. Флэшмоб зладзілі на выезде з горада ля Панямуні.
Тры тыдні рэпетыцый “з нуля”. Два тыдні гастроляў па адзінаццаці гарадах. Шэсць прафесійных танцораў і шэсць выхаванцаў дзіцячага дома, якія дагэтуль не займаліся танцамі. Беларусь стала трэцяй краінай, дзе ўвасобілі праект “Дом”. А Гродна – дзясятым беларускім горадам, дзе паказалі гэты перформанс.
Спецыялізаваная выстава-кірмаш Еўрарэгіён “Нёман” прайшла ў Гродне ўжо ў 15 раз. Больш за 140 прадпрыемстваў прэзентавалі свае дасягненні ў прамысловасці, сельскай гаспадарцы і сферы паслуг. Але толькі два стэнды належалі замежным гасцям.
Амаль семдзесят год таму скончылася Вялікая Айчынная вайна. Але баявыя снарады дагэтуль схаваныя на беларускіх землях. Сёлета ў Лідзе знайшлі цэлы набор боепрыпасаў.
Адначасова два велапрабегі ладзяцца ў Гродне 11 жніўня. Адзін – для тых, каму за 18, другі – для дзяўчын і жанчын любога ўзросту.
Фестываль “Кветкі – прыгажосць зямлі” пройдзе ў Жалудку 18 жніўня ў шосты раз. У праграме запланіравана дэфіле ў касцюмах з кветак, майстар-класы і конкурсы па стварэнні букетаў і кампазіцый з кветак і пялёстак, кветкавая фотавыстава.
Першы з гродзенскіх мітапаў у сістэмнай форме – штотыднёвыя сустрэчы – адбудзецца 10 жніўня. Удзельнікі абмяркуюць будучыню мітапаў у Гродне, аспекты “разумнага дома” і “разумнага горада”.
