У Салечніцкім (Шальчынінкайскім) раёне Літвы пагранічнікі папераджальнымі стрэламі спрабавалі спыніць беларуса з кантрабанднымі цыгарэтамі. Спрабуючы схавацца, ён залез у сажалку, дзе прасядзеў каля гадзіны і моцна змерз, піша ru.delfi.lt.
Студэнцкія інтэрнаты, спартовыя залы, аграсядзібы і іншыя месцы ў Падляшскім ваяводстве могуць ператварыцца ў пункты часовага ўтрымання бежанцаў. Агулам рэгіён можа прыняць да 430 чалавек, піша Kurier Poranny.
У Іўі 7 ліпеня адбылася сустрэча дзяўчынак-падлеткаў з ментарамі – прафесіяналамі ў галіне журналістыкі і мастацтва. Каб натхніць дзяўчат с невялікага горада на самаразвіццё і адукацыю, журналістка Ганна Бонд і супрацоўнік Нацыянальнага мастацкага музея Мікіта Моніч правялі майстар-класы, дзе дзяўчаты пастрабавалі сябе ў якасці рэпарцёраў і музейшчыкаў. Акцыя ў Іўі ладзілася Фондам ААН у галіне народанасельніцтва Беларусі (ЮНФПА) ў межах кампаніі “Дзяўчаты-падлеткі – пакаленне Мэтаў устойлівага развіцця 2015-2030”.
Дзевяць дзён, з 22 да 31 жніўня, у летніцу “Зорька” на Юбілейным возеры праходзіць змена. Сюды запрасілі сем’і, што выхоўваюць дзяцей з інваліднасцю, а таксама дзяцей з сем’яў, што знаходзяцца ў сацыяльна небяспечным стане. Праводзіць летнік Гродзенскае аддзяленне Чырвонага Крыжа, фінансавую падтрымку ў арганізацыі аказалі калегі з Японіі і Міжнародная федэрацыя Чырвонага Крыжа.
