Такой дыскусіяй завершыць шчыльны графік заўтрашняга дня Саюз палякаў на Беларусі пад кіраўніцтвам Анжалікі Борыс. Адзначаць 70-годдзе спрэчнай падзеі прадстаўнікі Саюзу пачнуць з паездкі па Гродзенскім, Шчучынскім, Воранаўскім раёнах.
Пяць гадзін аператыўнікі канфіскоўвалі і апісвалі зброю, знойдзеную ў кватэры 74-гадовага гродзенскага пенсіянера.
Сёння ў Смаргоні пачаліся спаборніцтвы кінолагаў сярод памежных ведамстваў дзяржаў – удзельнікаў СНД.
Сёння, пад час перамоваў прэзідэнтаў Беларусі і Літвы Аляксандра Лукашэнкі і Далі Грыбаўскайтэ плануецца падпісаць у ліку іншых і дамову аб парадку падарожжаў жыхароў памежных раёнаў, адпаведна якой жыхары Гродна і Ліды без віз змогуць ездзіць у Вільнюс і Друскінінкай.
Маці ўсіх дзетак, якія нарадзіліся ў Гродзенскай вобласці ўчора, у Дзень міру, атрымаюць статысячную прэмію ад абласнога аддзялення «Беларускага фонду міру». Аб гэтым ТС паведаміў старшыня фонду А.В. Райко.
Учора ўвечары на ваенных аэрадромах г.п. Рось і г.Ліды прызямліліся бамбардзіроўшчыкі і штурмавікі з Расіі.
Сёння ў Новым замку адбылася сустрэча з прадстаўнікамі ўпраўлення культуры Гродзенскага аблвыканкама і гарвыканкама, а таксама прадстаўнікамі раённых аддзелаў культуры з Наваградка, Зэльвы, Смаргоні. Мерапрыемства было праведзена ў сувязі са святкаваннем Дзён еўрапейскай спадчыны.
У вёсцы Квасоўка Гродзенскага раёна пачнецца будаўніцтва праваслаўнага храма ў гонар свяціцеля Іаана Кармянскага. Учора біскуп Гродзенскі і Ваўкавыскі Арцемій асвяціў будаўнічую пляцоўку і крыж, які ўсталяваны на месцы будучага храма.
Сёння а 19.00 у адміністрацыйным корпусе рынку «Карона» адбудзецца прэзентацыя практычнага семінара «Гульні неУма». А сам семінар будзе доўжыцца два дні – 12-13 верасня, па 4 гадзіны ў дзень.
Канцэрн «Белнафтахім» павялічыў рознічныя кошты на нафтапрадукты ў сярэднім на 10%. Ужо ўчора ўвечары шыльдачка на самы папулярны бензін АІ-92 змянілася з 2220 на 2470 рублёў за 1 літр.
