Рэканструкцыя прывакзальнай плошчы набліжаецца да свайго завяршэння і цэнтральнае месца на ёй зойме дэкаратыўная скульптурная кампазіцыя. Выказаць сваю прапанову наконт таго, што гэта павінна быць, можа любы гарадзенец.
Працу гарадзенскага гісторыка Яна Шумскага “Саветызацыя Заходняй Беларусі” прэзентуюць 14 верасня ва ўнутраным дворыку на Будзёнага 48а. Разам з аўтарам ўдзел у прэзентацыі возьме галоўны рэдактар ARCHE Валер Булгакаў, які прадставіць апошнія навінкі аднаіменнага выдавецтва.
Непадалёк вёскі Радунь Воранаўскага раёна ствараецца габрэйскі культурна-гістарычны цэнтр. Ідэя стварэння такога цэнтра ўзнікла ў 2010 годзе пасля сустрэчы кіраўніцтва вобласці з прадстаўнікамі ізраільскай кампаніі “Марэшэт Хафэ Хаім”.
У памежнай зоне непадалёк вёскі Зацішша памежнікамі сумесна з прадстаўніком Гродзенскай інспекцыі па ахове жывёльнага і расліннага свету затрыманы браканьеры.
Гарадзенскія школьнікі Павел Цынеўскі і Максім Мухляда падчас адпачынку выратавалі паляка, які тануў у Балтыйскім моры. Хлопцы адпачывалі на польскай Балтыцы ў летніку, арганізаваным каталіцкай парафіяй Маці Божай Вострабрамскай (Аўгустовак).
Тры тыдні запар у працоўныя дні верасня на адрэзку Чорная Беластоцкая (Czarna Białostocka) – Беласток цягнікі будуць заменены на аўтобусы. Нязручнасці выкліканы мадэрнізацыяй лініі.
Перакладчыкі з Гарадзеншчыны могуць паўдзельнічаць ў конкурсе мастацкага перакладу ад часопіса «ПрайдзіСвет». На конкурс абраны творы амерыканскіх паэтаў, празаікаў ды музыкаў 50 – 70 гадоў мінулага стагоддзя.
Старэйшы інспектар ўпраўлення дэпартамента фінансавых расследаванняў КДК Беларусі па Гродзенскай вобласці затрыманы супрацоўнікамі КДБ пры атрыманні ім хабару ў 570 даляраў ЗША.
Беларуская інтэрнэт – бібліятэка Kamunikat.org звяртаецца да чытачоў “Нашага слова” з просьбай ў дапамозе збору папяровых асобнікаў газеты пачынаючы з 1990 года.
З 1 верасня бягучага года да 1 студзеня 2013 г. у Ваўкавыскім раёне будзе ўведзена забарона на продаж пладова – ягадных вінаў. Рэалізацыя іншых спіртных напояў у гандлёвых кропках за выключэннем бараў, рэстаранаў і кавярняў, будзе абмежаваная.
