На здзіўленне рэдка мы задумваемся над тым, якія людзі нас атачаюць. “Шаблон” – маўляў, не хапае часу, – толькі адгаворка. А якія яны – нашы суседзі? Ці бацькі нашых сяброў? Ці людзі, што нас вучаць? Як, напрыклад, Міхаіл Іванавіч Багуцкі, дацэнт кафедры інфекцыйных хвароб ГрДМУ, выкладчык, урач-інфекцыяніст.
Вось і прайшоў у нас футбольны сезон у Вышэйшай Лізе. Камусці ён прынес радасць, камусці разачараванне. Увогуле для “Нёмана” гэта быў адзін з самых удалых сезонаў за апошнія 10 год. Вынік – пятае месца ў Вышэйшай Лізе.
Гарадзенская пісьменніца Кацярына Лесіна, срэбная лаўрэатка расейскай літаратурнай прэміі, 28 лістапада сустрэлася з прыхільнікамі сваёй творчасці ў гарадзенскай кнігарні “Веды”. Аўтарка расказала, чаму друкавалася пад чатырма рознымі імёнамі, а таксама пра тое, чаму лепш не друкаваць фантастыку пад жаночым імём.
У першы дзень зімы на штучным полі стадыёна “Нёман” стартаваў “Зімовы турнір”. У вышэйшай і першай лігах гэтага спаборніцтва заяўкі на ўдзел падалі па 20 футбольных каманд. Матчы будуць праходзіць у асноўным па выходных і ў святы.
Указам №534 ад 29 лістапада зацверджаны новы склад Савета па развіцці прадпрымальніцтва. У яго ўвайшоў заснавальнік гарадзенскага прадпрыемства ТАА “Біякам” Андрэй Паўлоўскі, які таксама з’яўляецца членам Савета Рэспублікі. Другі гарадзенец – заснавальнік СТАА “Контэ Спа” Валянцін Байко.
Перад выходнымі ў Гродне ставілі елкі на цэнтральных плошчах, адкрывалі выставы і спявалі. Усюды пабываў фотакарэспандэнт “Твайго стыля”.
