У Гродзенскай выставачнай зале 13 жніўня адкрылася выстава “Святлаграфіка”, якая сабрала фатаграфіі з незвычайнай тэхнікай апрацоўкі. Работы гэтага малавядомага віду фотаздымкі аб’ядналі аўтараў з Расіі, Украіны і Эстоніі.
У канцы ліпеня ў Партугаліі скончыўся Чэмпіянат Еўропы па тайскім боксе, дзе залаты медаль Беларусі прынёс гарадзенец Дзмітрый Варац. Аднак менавіта гэты медаль стаў для спартсмена адным з самых цяжкіх за 13 гадоў.
11 жніўня ў Гродне прайшла другая па ліку “дамская пакатушка”. Дзяўчаты без абмежаванняў ва ўзросце праехаліся на роварах па цэнтры горада, набярэжнай і парку.
Першая ў Беларусі “recycling art” мастачка 5 жніўня стварыла чарговы партрэт з дапамогай раскрышанай аўтамабільнай шыны. Калекцыя Юліі Коўш папоўнілася партрэтам сына брытанскага прынца Уільяма і Кейт Мідлтан у 25-гадовым узросце.
У Гродне 10 жніўня адбыўся першы мітап, які сабраў больш за 20 мясцовых спецыялістаў IT-сферы.
У Зэльве 23 жніўня адкрыецца рэгіянальная ярмарка “Ганненскі кірмаш 2013”, якая была ў XVIII стагоддзі знакамітай ў Еўропе. У 2002 годзе сучасны кірмаш быў адроджаны і з таго часу праводзіцца кожны год.
У Гродне ініцыятыўная група “ВелаГродна” праводзіць конкурс пошуку гарадскіх велапарковак “28 +”. Кожны жыхар горада можа прыняць удзел і атрымаць у падарунак электронную чыталку, адзначыўшы на карце найбольшую колькасць новых велапарковак.
У дзень Ліды 14 верасня гісторыка-мастацкі музей горада прадставіць новую выставу, прысвечаную развіццю мота- і веларуху.
6 жніўня на тэрыторыі сядзібы Каробчыцы прайшло адкрыццё V міжнароднага пленэру разьбяроў па дрэве, дзе сабраліся майстры з Беларусі, Літвы, Польшчы і Украіны.
Аб’яву, якая папярэджвае аб тым, каб не ставіць на мармуровы парапет рэчы, можна пабачыць на парэнчах пераходу, ля крамы “Баторыя”.
