Застаецца зусім няшмат часу да таго моманту, як пачнуцца заняткі ўжо ў пятым сезоне праграмы “Універсітэт Залатога веку”. Прайшлі тыя часы, калі сюды падавалася каля 80 заявак. У гэтым годзе памяшканне грамадскага аб’яднання “Цэнтр “Трэці сектар” з цяжкасцю ўмяшчала ўсіх прысутных на прэзентацыях.
14 верасня Гродна не застаўся ў баку ад міжнароднай акцыі “Сусветная прыборка – 2013. Зробім!”.
Дзясяткі актывістаў, студэнтаў, школьнікаў, эколагаў і проста неабыякавых людзей выйшлі на глабальны суботнік, нягледзячы на пахмурнае надвор’е і дождж.
У гарадзенскай мастацкай галерэі “У Майстра” 13 верасня адкрылася ўжо другая персанальная выстава графічных работ мастака Віктара Літвінюка “Кронан (ХХ ст.)”, якая супала з яго 30-годдзем.
“Паблік” – новая інтэрнэт-з’ява, якая паўстала дзякуючы сацсеткам. Напрыклад, у ВКонтакте вы можаце стварыць групу па інтарэсах ці па якой-небудзь адметнай прыкмеце. У Гродне прыкмета “тыповасці” ужо занята. Больш за 24 тысячы гарадзенцаў лічаць сябе “тыповымі” і з’яўляюцца падпісчыкамі пабліка “Типичный Гродненец”.
У Гродне з 27 па 29 верасня ў кінатэатры “Чырвоная зорка” пройдзе XVI штогадовы Манхэтанскі фестываль кароткаметражнага кіно.
Са стартам тыдня кінафестывалю, новы сезон паказам 10 фільмаў-фіналістаў 2013 года адкрые і гарадзенскі кінаклуб “Ракурс”.
У Гродне 31 жніўня прайшоў міжнародны фестываль вулічнага мастацтва Grand Teatro, прысвечаны мастаку Льву Баксту.
У Гродне 27 жніўня прайшла прэзентацыя VII выпуску альманаха лакальнай гісторыі “Горад Святога Губерта”, прысвечанага 150-годдзю вызвольнага паўстання на Гарадзеншчыне.
У Гродне 26 жніўня ў галерэі “Крыга” адкрылася выстава беларускага мастака Паўла Кастусіка. Праект быў задуманы спецыяльна для гарадзенскай галерэі, што паўплывала на выбар фарматаў карцін, іх колькасць і каларыстыку.
У Гродне група сучаснай харэаграфіі “ТАД” паказала ўсім аматарам танца як праходзіць яе звычайны працоўны дзень. Акрамя сузірання пластыкі і руху цела, кожны жадаючы мог далучыцца да танцавальнага калектыву.
Ля Гродна, на тэрыторыі сядзібы Каробчыцы, 15 жніўня завяршыўся V міжнародны пленэр разьбяроў па дрэве, у якім удзельнічалі майстры з Беларусі, Польшчы, Украіны і Літвы.
