Крама-клуб “Кубік” і антыкафэ “Живое время” прэзентавалі ў Гродне драўляныя цацкі-складанкі, якія прывандравалі да нас ажно з Гомеля. Усе яны выкананыя толькі з натуральных матэрыялаў: дрэва, фарбы і алею.
Габрэйская грамада Гродна і проста зацікаўленыя гарадзенцы сабраліся ўвечары 1 снежня ў Вялікай харальнай сінагозе, каб адзначыць свята Ханукі.
У Каложскай царкве можна пабачыць іконы, якія сталіся вынікам міжнароднага пленэра, што праходзіў сёлета ў Польшчы.
У Дзень Незалежнасці Польшчы, 11 лістапада, прадстаўнікі Генеральнага консульства Польшчы ў Гродне ўсклалі кветкі з бела-чырвонымі стужкамі ля помнікаў Міцкевічу, Ажэшцы і ля Старога замку.
10 лістапада на паседжанне гарадзенскай філіі ініцыятывы па стварэнні партыі БХД ўпершыню за тры гады завітаў Павел Севярынец. Сустаршыня БХД пазнаёміў прысутных з планамі: як асабістымі, так партыйнымі, а таксама з уласнай візіяй перспектыў развіцця Беларусі.
Вось такое графіці пабачыў фотакарэспандэнт “Твайго стылю” на правым беразе Нёмана, бліжэй Новага мосту.
Традыцыйна ў пачатку лістапада каталікі ўзгадваюць памерлых, адзначаючы ўрачыстасць Усіх Святых і ўспамін усіх памерлых вернікаў. На могілках у гэтыя дні з’яўляецца мноства знічак.
“Твой стыль” увечары 31 кастрычніка прабегся па некаторых з месцаў, у якіх сам рэкамендаваў гарадзенцам святкаваць Хэлоўін. Падрабязнасці ў здымках нашага фотакарэспандэнта.
Перад праглядам пастаноўкі “Сон у летнюю ноч” паводле Шэкспіра гледачы на анімаванай экскурсіі пазнаёміліся з жыццём тэатра. Пад жывую музыку можна было паўдзельнічаць у віктарыне па гісторыі тэатра.
Учора, 24 кастрычніка, на агароджы гарадзенскага парка Жылібера пачалі ўсталёўваць вялікія рэпрадукцыі твораў беларускіх мастакоў. Сёння выстава Zabor адчыніцца афіцыйна. Яна правісіць у цэнтры горада ажно да 27 снежня.
