У Воранаўскім РАУС распачата справа у дачыненні да дырэктара аднаго з сельскіх дамоў культуры, якая прадала… казённы раяль – канцэртны інструмент ручной зборкі «Блютнер» 1965 года выпуску. Балансавы кошт яго складаў каля 10 млн. рублёў.
Гарадзенскія краязнаўцы звярнуліся да ўладаў з прапановай пераназваць вуліцу Максіма Горкага вуліцай Аляксея Карпюка, які большую частку свайго жыцця пражыў у Гродна, напісаў усе свае вядомыя творы і тут пахаваны. Тым больш, менавіта на вуліцы Горкага стаіць дом, у якім жыў Аляксей Карпюк.
Гродзенская вобласць павялічыць экспарт малочнай прадукцыі ў Кітай. Пакуль у КНР ажыццяўляюцца пробныя пастаўкі сухога абястлушчанага і сухога суцэльнага малака гродзенскіх вытворцаў. Новыя прапановы тычацца экспарту вырабаў з тварагу і сухога малака.
Пакуль Беларусь выбірала гарадзенку Людмілу Якімовіч першай прыгажуняй, не засталася з боку ад шоў-спраў вёска Азёры Гродзенскага раёна. Тут прайшоў конкурс «Міні-міс Азёры 2010», дзе перамагла другакласніца Ясенія Балаева.
Восем гульняў запар без перамогаў – такі сумны вынік мае гарадзенскі “Нёман” у сёлетнім футбольным чэмпіянаце. Заўтра гарадзенцы паспрабуюць атрымаць перамогу над салігорскім “Шахцёрам”. А напярэдадні каманда Алега Радушкі саступіла ў гасцях “Мінску”.
Арганізатары і партнёры падрыхтавалі каштоўныя падарункі, якія будуць уручаны на Фестывалі маладзёвай журнылістыкі. Не праспусці свой шанец стаць пераможцам!
19 траўня на крытай танцавальная пляцоўцы парка Чалюскінцаў у Мінску адбудзецца Дударскага фэст (фестываль валынкі), у якім прымуць удзел гурты: Стары Ольса, Znich, Litvintroll, Testamentum terrae, Кейлі Кёл, Расалія, UNIA і шмат іншых.
У Гродна будзе пабудавана шэсць крамаў і рэканструявана каля адзінаццаці. На месцы кафэ «Астра» на вуліцы Савецкай з’явіцца кандытарская-кавярня, адкрыецца кафэ «Пяльменная». Але вось у новых мікрараёнах пакуль гандлёвай інфраструктуры не хапае.
Цырымонія перапахавання парэшткаў 20-ці вайскоўцаў Савецкай Арміі, якія загінулі ў гады Вялікай Айчыннай вайны, прайшла ўчора ў вёсцы Плаўскія Слонімскага раёну. Парэшткі былі выяўленыя службоўцамі пошукавага батальёна, па астатках абмундзіравання і фрагментам зброі ўсталяваная прыналежнасць загінулых да савецкіх Узброеных сіл.
