Да 20 лютага фотамастакі з Гарадзеншчыны могуць даслаць 10 фотаздымкаў з выявамі дзікіх птушак. Сярод усіх прац абяруць лепшыя 40-45 здымкаў, якія на працягу года будуць удзельнічаць у фотавыставе “Нашы птушкі-2011”.
12 лютага ў Гродна прыедзе з канцэртам Алесь Камоцкі. А 29 студзеня ладзіцца кватэрнік Вольгі Акуліч.
Звольнены начальнік аддзела спорта і турызма гродзенскага аблвыканкама Уладзімір Чыгірынаў. Выконваць абавязкі пакуль будзе Іван Ворсавіч.
31 студзеня можна будзе патэлефанаваць старшыні гродзенскага аблвыканкама Сямёну Шапіра падчас “прамой” тэлефоннай лініі з насельніцтвам вобласці.
Плата за навучанне падаражэе і ў гродзенскіх універсітэтах. Новыя кошты ўжо паведамляюць у купалаўскім універсітэце, медычны і аграрны яшчэ іх зацвярджаюць.
Адразу некалькі выпадкаў браканьерства зарэгістравана ў студзені на Гродзеншчыне.
Двойчы браканьераў злавілі ў Шчучынскім раёне. У абодвух выпадках паляўнічыя з пуцёўкамі на адстрэл зайцаў упалявалі дзіка.
У межах беларуска-польскага супрацоўніцтва па Гродзеншчыне сёлета будуць распрацаваныя новыя турыстычныя маршруты, якія пазнаёмяць вандроўнікаў з культурай і традыцыямі памежжа.
У чэрвені сямігадовая рэканструкцыя мусіць нарэшце скончыцца і заапарк запрацуе ў поўную моц: з пляцоўкай “Бабулін дворык” , кавярняй на 40 месцаў і некалькімі атракцыёнамі.
Мастоўскую актывістку незарэгістраванай партыі Беларуская Хрысціянская Дэмакратыя Алену Давідовіч, якая ўдзельнічала ў агітацыйнай кампаніі кандыдата ў прэзідэнты Віталя Рымашэўскага і была назіральніцай падчас галасавання, выклікаюць на пасяджэнне камісіі па справах непаўнагадовых, пагражаючы адабраць дзяцей.
Ніцшэ лічыў, што можа, але жанчына мусіць быць як мага менш прывабнай. А што мяркуюць на гэты конт гарадзенцы?
