Сярэднія навучальныя ўстановы з Гарадзеншчыны прадставілі сваю прадукцыю і паслугі на кірмашы “Восень 2013”, які прайшоў у суботу 28 верасня на Савецкай плошчы ў Гродне. На свежым паветры можна было пастрыгчыся, парамантаваць абутак, купіць па прывабных коштах гародніну.
“Бог вечны і рамонты вечныя”, – пажартаваў біскуп Аляксандр Кашкевіч на адкрыцці адноўленага алтара св. Міхала Арханёла ў Катэдральным касцёле ў Гродне. 29 верасня, пасля году рамонтных прац, вернікі змаглі ізноў пабачыць найстарэйшы ў храме алтар.
Кіёскі, якіх вельмі не хапала на галоўнай плошчы і вуліцы горада, нарэшце з’явіліся. Адзін з іх размешчаны на прыпынку на Савецкай плошчы ў бок мосту, а другі – на пляцоўцы побач з Моладзевым цэнтрам “Гродна”.
Тыдзень таму Гродзенскі драмтэатр упершыню паказаў спектакль “Наш гарадок” Торнтана Уайлдэра. Гэта не толькі найноўшая прэм’ера тэатра, але і першая ў Беларусі пастаноўка гэтай ужо класічнай п’есы.
Спецыялізаваная выстава-кірмаш Еўрарэгіён “Нёман” прайшла ў Гродне ўжо ў 15 раз. Больш за 140 прадпрыемстваў прэзентавалі свае дасягненні ў прамысловасці, сельскай гаспадарцы і сферы паслуг. Але толькі два стэнды належалі замежным гасцям.
Ідэі развіцця супрацоўніцтва паміж Гродна і Беластокам былі агучаныя 27 верасня на Інвестыцыйным форуме “Гарадзеншчына на скрыжаванні межаў”.
Адразу ў дзвюх гарадзенскіх галерэях выставіліся мастакі і скульптары з польскага Каліша. Падвойная выстава апынулася надзвычай разнастайнай: тут і графіка, і скульптура, і працы па метале, і нават плакаты.
Мноства камічных сітуацый, іранічнае стаўленне да рэчаіснасці і зайздроснае пачуццё гумару – усё гэта абяцаюць лепшыя мінскія акторы гледачам спектакля “Смешныя грошы”.
1 кастрычніка партал Autogrodno.by і балет Яўгена Якуша пры падтрымцы ДАІ зладзяць акцыю супраць канфліктаў на дарогах.
Традыцыйная выстава “Еўрарэгіён “Нёман” адкрылася ў Гродне 26 верасня. Гэтым разам замежных удзельнікаў у ёй зусім мала: толькі па адным стэндзе з літоўскага Алітуса ды Калінінграда. Карэспандэнт “Твайго стылю” прайшоўся па выставе разам са старшынёй гарвыканкама Андрэем Худыкам.
