На Савецкай вуліцы падымаюць стары брук, каб ліквідаваць парыў трубы. Без вады засталася вядомая кавярня “Раскоша” і шэраг крам. Жыхары дамоў і супрацоўнікі офісаў вымушаныя браць ваду на вуліцы і карыстацца часовай прыбіральняй.
На вуліцы Савецкай завяршыліся рамонтныя работы, пачатыя ў панядзелак раніцай. Як і абяцалі работнікі водаканала, ліквідаваць праблему атрымалася да вечара таго ж дня.
Каля месяца таму ва ўрочышчы Пышкі, каля крытага хакейнага манежа, з’явіліся першыя ў горадзе вулічныя трэнажоры.
У пачатку лістапада пачнуцца працы па ўзвядзенні крытага футбольнага манежа і рэканструкцыі стадыёна “Абутнік”. Два аб’екты будуць звязаныя паміж сабой, здаць іх плануецца ў адзін тэрмін. Пра гэта “Твайму стылю” распавёў старшыня Гродзенскага гарвыканкама Мечыслаў Гой.
У канцы тыдня ў “Еўраопце” па вуліцы Ціміразева гарадзенцам далі магчымасць годна скончыць цяжкія працоўныя будні. У гіпермаркеце з 15.00 да 19.00 можна было бясплатна выпіць і нават закусіць. Арганізатарамі дэгустацый выступілі Клімавіцкі лікёра-гарэлачны завод і харчовая кампанія “Санта-Брэмар”.
Пажар у бары “Караван” здарыўся каля поўдня 3 лістапада. Па папярэдняй версіі прычынай стала кароткае замыканне электраправодкі ў падвале будынка.
Літаральна за тры месяцы ў Гродне з нуля пабудавалі дзіцячы дом сямейнага тыпу. Ужо 5 лістапада ён зможа прыняць новую прыёмную сям’ю. Гэта першы ў горадзе дом збудаваны адмыслова для гэтых мэтаў.
Яшчэ летам здымачная група курдскага прадзюсара Шарана Алі Шарыфа з Ірака наведала Беларусь, дзе працавала над некалькімі кліпамі. Частка здымкаў прайшла ў Гродне: у Парку Жылібера, ля Новага замку і на вуліцы Савецкай. Цяпер кожны можа пабачыць вынікі іх працы.
Больш за год стаіць пусты палац XVIII стагоддзя ў самым цэнтры Гродна. Доўгі час тут знаходзілася вайсковая камендатура, зараз жа яго рыхтуюць да продажу з аўкцыёну.
Да канца года ў Гродне з’явіцца першая платная паркоўка, якую можна будзе аплачваць нават з дапамогай інтэрнэту. Стаянка на прыблізна 70 машына-месцаў, будзе мець тры прапускных тэрміналы.
