Каля Маладзёжнага цэнтра “Гродна” 29 красавіка адкрылі новую сетку велапракатаў, створаную “Гроднааблкінавідэапракатам”. Цяпер гарадзенцам і гасцям горада можна будзе ўзяць ровар у адным месцы, а вярнуць – у іншым.
Апошнім часам гарадзенскія рыбакі прыкметна павялічылі свой улоў, а ля ГЭС няма вольнага месца, каб закінуць вуду. Чытач “Твайго стылю” Аляксей расказаў рэдакцыі, што на мінулых выходных, 23-24 красавіка, адбылася нават масавая бойка за рыбныя месцы ля ракі. Гэта пры тым, што рыбалка там наогул забароненая.
Польская мастачка Катажына Свінарcка ўпершыню прывезла свае працы ў Беларусь. У Гродзенскай выставачнай зале яна паказала персанальную выставу “Silent Heads”, дзе прадстаўлены твары вядомых жанчын свету. Выстава праходзіць з адмысловым музычным суправаджэннем і падсветкай.
У панядзелак, 24 красавіка, у самым цэнтры горада міла шпацыравала парачка качак. Яны не баялася ні людзей, ні ровараў, якія праязджалі побач. За птушкамі можна было назіраць некалькі гадзін.
Гарадзенскім веласіпедыстам прапануюць бясплатна папрацаваць у гаражы, дзе можна самастойна або з дапамогай дзяжурнага механіка ліквідаваць непаладкі двухколавага транспарту. Першых кліентаў велакухня прыняла ў суботу 23 красавіка.
У Гродне на рэспубліканскі суботнік вызначылі 75 месцаў, дзе агулам працавала больш за 10 тысяч чалавек. На стадыёне “Абутнік” чыноўнікі пад кіраўніцтвам старшыні гарвыканкама Мечыслава Гоя правялі некалькі гадзін, прыбіраючы і фарбуючы даўно забыты спартовы аб’ект.
Юбілейны X фольк-конкурс “Гарадзенская беларусачка” прайшоў 23 красавіка ў актавай зале ўніверсітэта імя Купалы. Да гала-канцэрта сем канкурсантак рыхтаваліся на працягу двух месяцаў. Амаль усе яны былі на вялікай сцэне ды перад такой вялікай аўдыторыяй упершыню.
У суботу, 23 красавіка, гарадзенскі “Нёман” правядзе чарговы тур чэмпіянату Беларусі. У Брэсце каманда Сяргея Саладоўнікава сустрэнецца з мясцовым “Дынама”.
У суботу, 23 красавіка, на сцэне Гродзенскага ўніверсітэта імя Янкі Купалы пройдзе гала-канцэрт X гарадскога фольк-конкурсу “Гарадзенская беларусачка”. У фінальным шоў гледачы акрамя выбару пераможцы пабачыць таксама выступы вядомых беларускіх артыстаў. Пачатак у 17.00.
На канцэрт рэпера Аксімірона ў Моладзевым цэнтры “Гродна” прыйшлі слухачы розных узростаў. Іх аб’яднала думка, што творчасць спевака вылучаецца сваёй спецыфічнай лірыкай.
