Чаруючыя рухі, яркія і адкрытыя касцюмы, незвычайная музыка – усё гэта і многае іншае можна было ўбачыць увечары 26 сакавіка ў малой зале Драмтэатра. У Гродне ўпершыню прайшоў фестываль па танцавальным кірунку Tribal Fusion, на які прыехалі госці з Масквы, Гомеля і Мінска.
Папаўнення лам у гарадзенскім заапарку чакалі даўно. Апошні раз паўднёвамерыканская жывёла размнажалася яшчэ да рэканструкцыі звярынца – больш за пяць гадоў таму.
Для тых, хто не надта любіць хадзіць у музеі і наведваць гістарычныя славутасці горада, студэнт Павел Волкаў стварае адмысловыя віртуальныя туры. Першыя дзве працы прысвечаны Старому і Новаму замкам. У будучыні гарадзенец плануе зрабіць відэа пра кожную славутасць горада.
З прыходам вясны ў гарадзенскім Свята-Пакроўскім кафедральным саборы пачаліся рамонтна-аднаўленчыя работы. Апошні раз яны праходзілі больш за 10 гадоў таму, яшчэ ў пачатку 2000-х.
У аўторак, 22 сакавіка, з самай раніцы, супрацоўнікі Зелянбуда ўзяліся за спiльванне старога ясеня ў парку Жылібера. Са слоў рабочых, яны атрымалі такі загад зверху. Яны не ведалі, што з ясеня збіраюцца зрабіць помнік.
У панядзелак, 21 сакавіка, гарадзенская міліцыя абвясціла ў вышук хлопца, які 5 сакавіка ў цэнтры горада вёў дзяўчыну ў кайданках. Пра гэты факт праваахоўнікам паведаміла 67-гадовая гарадзенка.
Да Дня роднай мовы партал TUT.BY абвясціў конкурс, у якім трэба было прачытаць верш на беларускай мове, за што пераможцу абяцалі 30 кніг беларускай класікі ад выдавецтва “Папуры”. Гарадзенскія святары падумалі, што будзе выдатна мець кнігі ў парафіяльнай бібліятэцы, каб праваслаўныя вернікі маглі іх чытаць. Яны зрабiлi сваё вiдэа i ў заяўцы паабяцалі ў выпадку перамогi перадаць прыз бібліятэцы кафедральнага сабора.
У Дзень нараджэння лялькі Барбі, 9 сакавіка, фатограф Юрый Афа і стыліст Марта Белаец прадставілі сацыяльны фотапраект “Жывыя Барбі“. У ім замежныя і беларускія мадэлі паўсталі ў вобразах ажыўшых лялек Барбі разам з жывёламі, узятымі з гарадзенскага пункта часовага ўтрымання.
Пакуль адны прадпрымальнікі выходзяць і адстойваюць правы на плошчы, іншыя вядуць “брудны” гандаль на Паўднёвым рынку.
Бізнесмен Анатоль зрабіў гэта, каб яго дзеці і ўнукі ў будучыні ведалі і шанавалі гісторыю роднага краю.
