Начальнік пастаянна дакарае за спазненні? Часта стаў спазняцца на пары? Трэба прачнуцца на спатканне, а ты баішся праспаць? Ніколі не прачынаўся ад незнаёмага, прыгожага голасу? Новую паслугу пачалі прапанаваць у Гродне. Праект “Абудзі мяне” стартаваў нядаўна і ўжо паспеў абудзіць дзясяткі гарадзенцаў.
Праз два гады пасля маштабнай рэканструкцыі на чыгуначным вакзале адкрываецца першая кавярня. Цяпер турысты і гарадзенцы могуць перад адпраўленнем цягніка спакойна падсілкавацца ў фаст-фудзе “Біг Джонс”.
Уладзімер займаецца здымкамі відэа не першы год, але ваўкавыскiя кар’еры здымаў упершыню. Хлопец падняў квадракоптер на вышыню птушынага палёту – у выніку атрымалася незвычайнае відэа, якое добрае перадае прыгажосць “беларускіх Мальдзіваў”.
У самым цэнтры горада, ля ўнівермага, неўзабаве запрацуе яшчэ адна кавярня на вольным паветры. Для Гродна гэта будзе новы фармат: там будзе кантактная барная стойка, шмат камфортных крэслаў і канапа, а ўвечары можна будзе закутацца ў плед.
У суботу, 28 мая, у Каробчыцах пройдзе доўгачаканае мерапрыемства – музычны фестываль фарбаў холі ColorFest. У мінулым годзе падзея сабрала каля 30 тысяч чалавек. У гэтым годзе арганізатары плануюць убачыць яшчэ больш людзей.
16 канкурсантак прайшлі два месяцы нястомнай падрыхтоўкі, каб 20 мая выйсці на галоўную сцэну драмтэатра. У выніку Міс Гродна 2016 стала студэнтка ўніверсітэта імя Купалы – Аляксандра Дораш.
Аматар вышыні Міхаіл прыехаў у Гродна па асабістых справах і пачаткова не планаваў наведваць дахі дамоў. Але ўсё ж госць горада не ўтрымаўся і залез на гарадзенскія высоткі, каб атрымаць чарговую порцыю адрэналіну.
Гарадзенскі харэограф Яўген Якуш прадставіў новае відэа, у якім яго шоў-група паўстала ў вобразах сярэднявечных ведзьмаў. Сам жа танцор апынуўся ведзьмаком. Усе вобразы, па словах аўтараў, былі створаны паводле апісанняў са старажытных крыніц.
Футбалісты “Мінска”, калі прыязджалі ў Гродна, напэўна здзівіліся, убачыўшы на ўездзе ў горад бігборд з выявай свайго калегі, былога гульца “Нёмана” Аляксея Лягчылiна. Ён ужо паўгода таму перайшоў у сталічную каманду, але працягвае “вітаць” гасцей горада ў колерах гарадзенцаў.
У Гродне злодзеі зялёных насаджэнняў да таго знахабіліся, што скралі дэкаратыўныя хмызнякі наўпрост з-пад вокнаў абласнога ўпраўлення ўнутраных спраў. Крадзеж здзейснілі неўзабаве пасля суботніка, на якім расліны пасадзілі. Пра гэта “Твайму стылю” расказалі супрацоўнікі Зелянбуда.
