10 год таму, ранкам 6 кастрычніка 2006 г., па загаду гродзенскіх уладаў быў знасены адзін з найцікавейшых міжваенных дамоў нашага горада. Утульна размешчаны на куце вуліц 17 верасня ды Горкага ён сустракаў гродзенцаў смачным пахам гарачага свежага хлеба, фарміраваў пачатак квартала так званай Залатой Горкі – месца, дзе заканчваўся горад у першай палове ХХ ст.
Неспрыяльна скончылася паездка для аднаго з работнікаў таксі горада. Замест грошай за паездку таксіст, пасля таго, як адвёз пасажыра па ўказаным адрасе, атрымаў удар у твар. Сам пасажыр ўцёк, але яго злавілі дзякуючы відэакамеры ў салоне таксi.
У сераду, 5 кастрычніка, выдаўся насычаны дзень для аматараў ганбола. Вось толькі станоўчага выніку ён для гарадзенцаў не прынёс. У Гродне як жаночая, так і мужчынская каманда прайграла супернікам.
У прафесійны дзень адзначылі найлепшых работнікаў культуры Гродзеншчыны. Ганаровыя граматы, медалі 110-годдзя Прафсаюзаў Беларусі і нават новыя вайсковыя званні атрымалі прадстаўнікі дзяржаўных установаў вобласці.
Студэнт гістфака Аляксандр Перагудаў прапануе гэта не ўпершыню. Яшчэ ў красавіку ён на сваіх старонках у сацыяльных сетках размясціў падобную прапанову, але тады на яго ініцыятыву амаль ніхто не звярнуў увагі. Зараз ён узгадаў пра сваю ідэю, бо ў іншых гарадах падобную задумку пачалі рэалізоўваць. За апошні час дубляваць старыя назвы вуліц сталі ў Міры і Мінску. Дык чаму б не зрабіць такога і ў старым Гродне?
9 кастрычніка ў Гродне адбудуцца чарговыя адукацыйна-асветніцкія сустрэчы ў межах Гарадзенскіх Майстэрняў Ведаў. На гэтых сустрэчах жыхары горада змогуць наведаць 7 заняткаў, арганізаваных самімі гарадзенцамі.
Гарадзенскі музыка Аляксандр Зімін хоча пазнаёміць гарадзенцаў з цiкавым iнструментам. Хэндпан – перкусійны інструмент, які пакуль не вельмі распаўсюджаны ў Беларусi. Першае знаёмства з ім прайшло 1 кастрычніка ў антыкафэ “Партал”.
Дрэннае надвор’е, няўважлівасць, непрацуючы светлафор – усё разам абярнулася наездам на 16-гадовую дзяўчыну на вуліцы Агінскага ў Гродне. Сутыкненне здарылася 5 кастрычніка, каля 7 раніцы. На пешаходным пераходзе яе збіў аўтамабіль Renault.
Нападаючы Уладзіслаў Клімовіч, узяты “Нёманам” у арэнду ў барысаўскага БАТЭ, не зможа дапамагчы гарадзенцам у астатніх матчах чэмпіяната. Футбаліст з-за траўмы выбыў да канца сезона. А тэрмін арэнднага пагаднення паміж гарадзенскай і барысаўскай камандамі акурат i разлічаны да канца гэтага сезона.
“Хай, мэм! Навошта столькі фота?” – аклікае цікаўны цёмнаскуры хлопец, што сядзіць на парапеце насупраць Капітолія. Усміхаюся, іду далей і чарговы раз націскаю кнопку. Па-першае, добра памятаю, наказ доктара Воланда “ніколі не размаўляць з незнаёмцамі”, па-другое, ужо ўкладаю ў галаве расповед з “каларадскімі карцінкамі”. Бо і праўда, ці ж калі думала, што акажуся за Скалістымі гарамі і пабачу адзін з загадкавых штатаў Амерыкі на ўласныя вочы? А яны, гэтыя вочы, шчыра сказаць – разбягаліся. Як мінімум – па сямі напрамках.
