Сканчаецца другі год існавання ў Гродне беларускамоўнай групы на базе дзіцячага садка №45. Мы прааналізавалі гэты перыяд: станоўчыя і адмоўныя бакі выхавання дзяцей у беларускамоўным асяроддзі, а таксама задумаліся, ці варта адкрываць такія групы і надалей.
Ток-шоў “Журналістыка ў эпоху інфармацыйных войнаў”апынулася самай гарачай часткай фестывалю “Твой стыль”. Градус дыскусіі павялічваўся з кожнай хвілінай. Усё дзякуючы вядучаму Алесю Залеўскаму і экспертам: Дзмітрыю Сурніну, Вользе Шастаковай, Аляксандру Баразенку і Аляксандру Класкоўскаму.
У чарговай падборцы квадратных здымкаў з Гродна: “Лялькі над Нёманам”, каталіцкія Дні моладзі, фестываль “Твой стыль”, Міс Гродна 2014 і іншыя моманты жыцця мінулага тыдня. А таксама коцікі, сабачкі і бас-балалайка.
Напярэдадні трэцяга гарадзенскага паэтычнага слэму “Твой стыль” паразмаўляў з адной з арганізатарак паэтычных баёў у Гродне Алесяй Седзянеўскай і даведаўся, чаго яна чакае ад чарговага слэму і што лічыць галоўнымі ўмовамі перамогі.
Пасля больш як году цяжкай хваробы адышоў з жыцця прафесар ГрДУ, навуковы кіраўнік шэрагу вядомых даследчыкаў Іван Платонавіч Крэнь.
Дзень Перамогі, фотачкі ад расійскіх турыстаў, Лялькі над Нёманам, чалавек у халадзільніку, а таксама коцікі і сабачкі. Чарговы выпуск нашай штотыднёвай падборкі Гродна ў Instagram.
Своеасаблівы малодшы брат “Кубы” ўсяго за няпоўныя тры месяцы працы дасягнуў не меншай папулярнасці. Бар адменты кухняй, рэдкім півам і жывой музыкай – “Амігас” цалкам можа быць самай маленькай канцэртнай кропкай у горадзе. “Твой стыль” пабываў у маленькім кавалку Мексікі ў Гродне і нам спадабалася.
На мінулым тыдні ў Instagram трапіла надзвычай шмат гарадзенскіх фотачак зробленых турыстамі і гасцямі горада. Мы выбралі пару дзясяткаў цікавых і разнастайных, не забываючыся пра коцікаў і сабачак. У падборку трапілі таксама свята Канстытуцыі 3 мая ў консульстве Польшчы, фэст адзінаборстваў у парку і любімы намі бар “Куба”.
Абмежаванні трафіку даўно перасталі быць праблемай для карыстальнікаў стацыянарных камп’ютараў у Беларусі, але аматарам мабільнага інтэрнэту ўсё яшчэ істотна замінаюць. 22 красавіка ў Беларусі стала даступнай beta-версія новай праграмы для Android, якая вырашае гэтую праблему. “Твой стыль” ацаніў яе функцыянальнасць.
Карэспандэнты “Твайго стылю” падзяліліся яшчэ не апублікаванымі фотаздымкамі з прайшоўшага нядаўна фэсту “Хавайся ў бульбу” і паразмаўлялі з адным з удзельнікаў – байкерам з Калінінграда.
