У Гродне няшмат месцаў, дзе можна купіць сувеніры. Ды і выбар таксама невялікі. У сувенірных кіёсках, крамах ці кнігарнях тыя самыя магніцікі, паштоўкі, талеркі і кубкі. Нешта цікавае знайсці няпроста, аднак з падарожжа сувенір прывезці трэба. А часам патрэбны падарунак госцю. Журналістка “Твайго стылю” выбрала самыя цікавыя, на яе погляд, гарадзенскія сувеніры.
Аўтатранспарт у гістарычным цэнтры Гродна! Шмат машын, вельмі шмат. На вуліцы Замкавай у будні дзень машыны стаяць такімі шчыльнымі радамі, што праз іх не праціснешся. У “базарныя” дні легкавыя аўтамабілі пакупнікоў ды грузавікі калгасаў, не зважаючы на забаронныя знакі, стаяць аж пад экранам каля палаца тэкстыльшчыкаў. Ясна, трэба ж самаход як мага бліжэй паставіць, каб мяшочак з цыбуляй ды капустай хутчэй да багажніка падцягнуць…
Беларусы не надта любяць камунікаваць з чыноўнікамі. У вачах грамадства дзяржслужачы – чужынец, што гаворыць на складанай мове указаў і дэкрэтаў, атрымлівае зарплату з нашых падаткаў і не прыносіць асаблівай карысці. Але перадусім гэта шэры, нецікавы і безініцыятыўны чалавек. А што, калі недзе ёсць зусім іншыя чыноўнікі?
Тэкст, пададзены ніжэй, — чысты візіянізм. Ён не ўгрунтаваны ні ў якой актуальнай патрэбе, напрыклад, эканамічнай. Больш за тое, можна знайсці дзясятак контраргументаў давесці, што яго ідэя марнуе грошы і выклікае лішнія рухі. І тым не менш варта, каб ідэя пераносу сталіцы краіны прынамсі дзесь замацавалася, запомнілася. А аргументы дададуцца.
Такім чынам, з Мінска — у Горадню.
Гарадзенскія жарты на дзень смеху можна разглядаць як інфармацыю для вывучэння мясцовай супольнасці і вызначэння мараў і патаемных жаданняў гараджан. Нават у дзень смеху яны схільныя давяраць “качкам”, што гняздзяцца ў тэмах, якія нязменна выклікаюць цікавасць у жыхароў горада. Гісторыя, слон, футбол і мяжа – менавіта адсюль выляталі сёлетнія найбольш галасістыя першакрасавіцкія “качкі”.
Больш за 400 псіхолагаў-практыкаў з усёй краіны сабраліся ў Гродне 24-26 красавіка, каб абмеркаваць тэму псіхалагічнай дапамогі ў крызісных сітуацыях. У гэтыя дні ў горадзе праходзіў Фестываль практычнай псіхалогіі, на якім прадставілі больш за 20 аўтарскіх методык і тэхналогій псіхалагічнай дапамогі.
Міністэрства замежных спраў сем раз адмаўляла журналісту ў акрэдытацыі ў якасці карэспандэнта “Беларускага Радыё Рацыя” (Польшча). Журналіст звяртаўся ў суды розных інстанцый і атрымаў вялізную колькасць адмоваў на нацыянальным узроўні.
Трагічны лёс спілаванага камунальшчыкамі ясеня не толькі прадэманстраваў, што сёння ў Гродне амаль немагчыма рэалізаваць нават вельмі цікавы гістарычны праект, але і прымусіў прыгадаць абставіны імклівага высыхання гэтага дрэва ў сярэдзіне 2000-х, а таксама знішчэння ў парку яшчэ не менш чым дзясятка найбольш старажытных дрэваў.
Сусветную акцыю “Гадзіна Зямлі” гарадзенцы маглі правесці як дома, гэтак і ў некалькіх месцах, якія падтрымалі яе правядзенне. Далучыліся і некаторыя кавярні. Мы сабралі 10 фота, якія гарадзенцы ў гэты вечар публікавалі ў сацсетках.
18 сакавіка спаўняецца тры месяцы з дня апублікавання ўказа “Аб удасканаленні аховы археалагічных аб’ектаў і археалагічных артэфактаў” і адпаведна выкладзеныя ў дакуменце палажэнні набываюць правамоцнасць.
