Спатрэбілася ўсяго некалькі хвілін снегападу, каб стварыць першыя ў гэтым годзе праблемы на дарогах горада. 11 студзеня ў другой палове дня адбылося больш за 15 аварый, дзясяткі машын не завяліся. Сіноптыкі, кажуць што гэта толькі пачатак.
Спецыяліст па камп’ютарнай анімацыі Алег Мініч, які зараз жыве ў Германіі, пачаў ствараць 3D-мадэль замка ў Навагрудку, заснаваную на гіпотэзах Міхася Ткачова і малюнках Віктара Сташчанюка. Як кажа сам аўтар, гэта пакуль што толькі чарнавыя рэндары, а да паўнавартаснай мадэлі, па якой можна было б паблукаць і паразглядаць з розных бакоў, яшчэ шмат працы.
Па паведамленнях сіноптыкаў, з Заходняй Еўропы на Беларусь рухаецца магутны цыклон, які ў першай палове тыдня прынясе з сабой моцны снег, парывісты вецер і галалёд.
Дзе і як паўставаў алкаголь паўтара-два стагоддзі таму? Што пілі ў Гродне і ў якіх колькасцях? Ці праўда, што карчма была ў кожным доме ў горадзе? Адказваем на пытанні пра культуру піцця мінулага.
Паніхіда па знакамітым музыку адбудзецца 12 студзеня, у дзень нараджэння Мулявіна. Сёлета песняру споўнілася б 75 год.
З галоўным рэжысёрам Гродзенскага абласнога тэатра лялек Алегам Жугждам газета “Культура” сустрэлася акурат пасля яго працяглага ваяжу па Расіі. У Омскім тэатры “Арлекін” ён паставіў казку Карла Гоццы “Воран”, вырашыўшы яе ў жанры артпанк-story і нарабіўшы неверагоднага фурору. Потым гродзенскія лялечнікі рушылі на Сахалін. Нарэшце, прыехалі з гастролямі ў Мінск, прывезлі два спектаклі: “Вій” і “Царэўна-жабка”. З іх абмяркоўвання і пачалася наша размова.
Чартарныя рэйсы па маршруце Анталія-Гродна-Анталія пачне ладзіць летам 2016 года авіякампанія “Белавія”, паведамляе Белта са спасылкай на Гродзенскі філіял “Белаэранавігацыі”.
У пачатку 2000-х, калі ў Гродне пачаў шырока распаўсюджвацца інтэрнэт, не існавала яшчэ ніякіх сацыяльных сетак. Тады нешматлікія карыстальнікі сеткі збіраліся на форумах і чатах. Менавіта там бурліла віртуальнае жыццё. Першым такім рэсурсам у Гродне быў чат “Иная реальность”.
Трафарэтныя надпісы з заклікамі не насіць шубы з натуральнага футра з’явіліся на сценах горада ў першыя дні новага году.
Вечарам 8 студзеня ў прадзільным цэху №2 завода “Хімвалакно” прарвала газаправод. Персанал прадпрыемства паспеў хутка спыніць падачу газу і перавесці ўстаноўку палімерызацыі на рэзервовы электракацёл. На ліквідацыю наступстваў прарыву спатрэбілася каля шасці гадзін, паведамілі ў прэс-службе МНС.
