У Гродне ўшанавалі памяць загінуўшых габрэяў канцэртам і прэзентавалі новую кнігу
У Гродзенскім музычным каледжы прайшлі мерапрыемствы прысвечаныя Міжнароднаму дню памяці ахвяр Халакосту, які штогод адзначаецца 27 студзеня.
Забытыя мясціны Гродна. “Кесонны” мост у канцы Брыгіцкай вуліцы
Будаўніцтва мастоў – цікавы накірунак у інжынернай справе. Мала які горад абыходзіцца без мосту. У Гродне за ўсю гісторыю былі дзясяткі мастоў, пісьменнік Аляксей Карпюк нават прысвяціў гродзенскім мастам рамантычны нарыс. Але, на нашу думку, самым прыгожым мостам, які неабдумана знішчылі ўжо ў пачатку ХХІ стагоддзя, быў так званы “кесонны” мост над чыгункай у канцы вуліцы Карла Маркса.
“Залатыя рукі і бясконцая цярплівасць”. У Гродне калекцыянеры рэстаўруюць старыя аўто і рыхтуюць праект з Беластокам
Аўтамабіль не раскоша, а сродак руху? Кіраўнік аўтарэтраклуба “Вінтаж” Сяргей Мукасей не згодны, бо “гэта тычыцца толькі новых машын”. Старыя ж аўто ламацца пачынаюць з першага дня. Аднак менавіта гэтым – неабходнасцю прыкласці рукі і патрабавальнасцю да ўладальніка – яны і вабяць гарадзенскага калекцыянера-рэстаўратара.
Гарадзенец узламваў старонкі дзяўчын у сацсетках і шантажаваў іх уласніц кампраматам
Дзве крымінальныя справы былі ўзбуджаны супраць 19-гадовага жыхара Гродна, які падазраецца ў несанкцыянаваным доступе да камп’ютарнай інфармацыі, паведаміў прадстаўнік прэс-службы УУС Гродзенскага аблвыканкама Ігар Белазёраў.
“Ніколі не позна жыць”. Акцёр і рэжысёр Сяргей Курыленка адзначае 60-гадовы юбілей
Сяргей Курыленка – заслужаны артыст Беларусі, акцёр і рэжысёр драматычнага тэатра ў Гродне, даўно стаў адной з найбольш пазнавальных фігур у тэатральнай суполцы горада і нават яе брэндам. Напярэдадні юбілея, які ён адзначыць 28 студзеня, артыст распавёў “Твайму стылю”пра станаўленне свайго творчага лёсу і шляхі ў тэатральным мастацтве.
Гарадзенец хоча прайсці пешшу 30 тысяч кіламетраў і пазнаёміцца з Рамзанам Кадыравым
З 1 сакавіка гарадзенец Сяргей Мароз адправіцца пешшу ў чатырохгадовае падарожжа на Усход. Былы спартовец, які ў свой час адслужыў у вайсковым спецназе, мае намер прайсці гэты шлях, каб пакінуць свой след у гісторыі, а таксама быць годным прыкладам для свайго сына.
Хутка плэй-оф, а ў “Нёмана” тры паражэнні запар
Чарговы тур чэмпіянату Беларусі скончыўся для хакейнага “Нёмана” паражэннем. Гарадзенцы на сваёй пляцоўцы мінімальна саступілі лідару турнірнай табліцы салігорскаму “Шахцёру”.
Порна, нацызм і лекарская таямніца. Чаго лепей не рабіць у інтэрнэце, каб не атрымаць судзімасць
З красавіка ў Беларусі можна будзе атрымаць пакаранне за нелегальны кантэнт на камп’ютары або мабільнай прыладзе. “Твой стыль” успомніў, за якія дзеянні ў інтэрнэце ўжо сёння можна атрымаць ад беларускага суда пакаранне, часам зусім не малое.
Збіраемся на Ранчо альбо што трэба ведаць пра новага пабраціма Гродна
“Твой стыль” сабраў інфармацыю пра каліфарнійскі гарадок, які стаў нядаўна пабрацімам Гродна ды візуалізаваў самыя цікавыя факты. Як распачыналася гісторыя Ранчо, хто жыве ў гэтым горадзе і на колькіх мовах размаўляюць яго жыхары, як арганізавана сістэма кіравання ды што такое “фестываль смелых фрызураў”? Шукайце адказы ў нашай інфаграфіцы!
Шэршэ ля фам: шукаем тыповую гарадзенку ў загалоўках навін
Сярод герояў інтэрнэт-навін, што пазначаны толькі прыналежнасцю да месца жыхарства, можна сустрэць і выбітных гераінь. Чалавек-гарадзенка не саступае свайму земляку-мужчыну па крэатыўнасці ў пошуку выхадаў з напружаных жыццёвых сітуацый і ўменню ў іх патрапляць. Віртуальная жанчына з Гродна дадасць фарбаў у жыццё і складзе вартую кампанію ахвотнаму на прыгоды чалавеку-гарадзенцу і не толькі.