Сродкі на рэканструкцыю Навагрудскага замка плануецца збіраць падчас дабрачыннага балю ў Нясвіжскім палацы, які ладзіцца 10 лістапада. Весці баль будзе расейскі актор Марат Башараў, а сустракаць гасцей будзе мадэль і акторка з Ірландыі Разанна Дэвідсан.
Форум умацавання партнёрстваў у еўрарэгіёне «Нёман» адбыўся 26 верасня ў купалаўскім універсітэце ў Гродне.
Традыцыйна на свята Божага Цела ў Гродне адбылася ўрачыстая працэсія. Святары, манаскія сёстры, вернікі з харугвамі і абразамі прайшлі вуліцамі Гродна. Гэтая ўрачыстасць была ўсталяваная яшчэ ў ХІІІ ст.
З 15 чэрвеня з’явіцца зручны варыянт даезду з Гродна ў Вільню. Аўтобус будзе курсаваць тры разы на тыдзень.
21-гадовы форвард Фрэдэрык Кіллі Чысар цягам папярэдніх трох сезонаў выступаў за клуб “Валерэнга” з Осла. Яшчэ адным гульцом “Нёмана” з паўночных краін можа стаць 25-гадовы фінскі абаронца Ёні Хаверынен.
Гарадзенец Багдан Грыцавец разам з сябрамі распрацаваў онлайнавую гульню, якая акрамя ўласна гульнявой механікі змяшчае элементы навучання. Маскоўскія прафесійныя распрацоўшчыкі гульняў ацанілі наватарскі падыход беларускіх студэнтаў, у выніку чаго гульня “ЗаБотань” атрымала І месца на конкурсе сеткавых гульняў у Маскве.
Прэзентаваць новую ілюстраваную кнігу пра князя Гедыміна гродзенскі гісторык Алесь Краўцэвіч і мастак Ігар Гардзіёнак выйшлі ў сярэдневечных строях. Каларыту прэзентацыі ў “Крызе” 8 мая дадалі музыкі з “Гарадзенскай капэлы” і рыцары з сярэдневечнымі паненкамі з “Гарадзенскага двузубу”.
Ад учорашняга дня на святлодыёднае табло на Савецкай плошчы ўсталявалі гукавую сістэму. Зараз гродзенцы змогуць успрымаць рэкламу і на слых.
Улетку ў Гродна запрацуе каля 230 летніх кавярняў, міні-кавярняў, тэнтаў, адкрытых пляцовак дробнага гандлю. Упершыню з’явяцца летнія кавярні на Праванабярэжнай вуліцы, каля гатэля “Сямашка”, каля бара “Бeerлога”.
Палессе на старых здымках 1929-1937 гадоў можна ўбачыць на выставе польскага фатографа Зоф’і Хаментоўскай, адкрыццё якой адбылося ў Старым замку 18 красавіка. На 87 здымках можна ўбачыць палешукоў розных узростаў, заняткаў, саслоўяў, рэлігійнай прыналежнасці, іх жыллё, храмы і, безумоўна, палескую прыроду.
