3 лютага адбылася прэс-канферэнцыя Упраўлення унутраных спраў Гродзенскага аблвыканкама. Начальніка УУС, палкоўніка міліцыі Вадзім Сіняўскі распавёў пра вынікі працы аддзела ў мінулым годзе і адзначыў, што такога кшталту сустрэчы з прадстаўнікамі прэсы гэта сведчанне адкрытай і празрыстай дзейнасці органаў унутраных спраў.
Вецер хуткасцю да 15-20 м/с і галалёд чакаецца месцамі па Гродзенскай вобласці ў чацвер 4 лютага, паведамілі ў аблгідрамеце.
Дзве аварыі адбыліся раніцай 3 лютага на дарозе Гродна-Азёры ў раёне вёскі Забагонікі, паведамляе ДАІ Гродна
Частковае або поўнае руйнаванне старых будынкаў у гістарычным цэнтры Гродна звычайна матывуюць іх крытычным станам. Маўляў, будынак і праўда цікавы, але яго паўстагоддзя не рамантавалі, таму цяпер нічога нельга зрабіць – толькі знесці. Так развалілі дом на Карла Маркса 22 і на Кірава 3, так прыдзецца праз нейкі час зрабіць і з былой клінікай Грыгорыя Варашыльскага на вуліцы Васілька.
Моцны вецер, які ўжо некалькі дзён бушуе ў Гродне, не толькі ламае дрэвы, але і зрывае з даху кавалкі бляхі.
Некалькі сотняў ІП сустрэліся са старшынёй гродзенскага гарвыканкама і гарадскім кіраўніцтвам. Прадпрымальнікі хочуць адмены ўказа №222, але на мясцовым узроўні ім дапамагчы не могуць. Гандляваць беларускім таварам дробныя бізнесоўцы не бачаць сэнсу.
Найбуйнейшая крама фірмы “Керамін” мае адкрыцца ў цэнтры Гродна 4 лютага. Не заўважыць яе немагчыма – агромная рэклама на будынку былога тонкасуконнага камбіната бачная нават з другога берага Нёмана, адкуль у свой час малявалі панарамы горада Мацей Цюндт ды Напалеон Орда.
Амаль 100 шпрыцоў з ветэрынарнымі лекамі супраць хвароб скаціны спрабаваў нелегальна ўвезці ў Польшчу 45-гадовы беларус. Яго 44-гадовая жонка схавала на сабе 30 пачак цыгарэт.
Сёлета брэндавы для Гродна фестываль збярэ каля 800 удзельнікаў, якія ўжо прайшлі праз раённыя і абласныя адборы. Сярод замежных гасцей могуць быць і прадстаўнікі Лос-Анджэлеса ды Сакрамэнта, якіх у час візіту ў Штаты запрасіў старшыня гродзенскага гарвыканкама Мечыслаў Гой.
Гарадзенскі “Нёман” не ведае перамог ўжо пяць матчаў запар. На гэты раз чырвона-чорныя саступілі ў Мінску мясцоваму “Юнацтву”.
