Ужо другі месяц на рынках Гродна працуюць толькі адзінкі прадпрымальнікаў. Цэлыя гандлёвыя шэрагі пустуюць. Працаваць далей, выконваючы патрабаванні ўказу № 222, для многіх немагчыма.
Прэзентацыя кнігі “Байсан” пройдзе ў вялікіх і малых гарадах у лютым. Выйшаўшая ў выдавецтве “Кнігазбор” кніга атрымала цёплыя водгукі крытыкаў, а яе вокладка – ўзнагароду фестываля беларускай камунікацыі Ad.nak!
4 лютага адзначаецца Дзень барацьбы з ракам. Рак – злаякасная пухліна, ад якой пакуль няма лекаў. Але ён паспяхова лечыцца на ранніх стадыях. Каб своечасова дыягназаваць хваробу, варта рэгулярна правярацца. Самы просты варыянт – здаць аналіз крыві на анкамаркеры.
Сітуацыя на рынку працы ў Гродне ў студзені і пачатку лютага 2016 мала адрозніваецца ад мінулагодняй. У параўнанні з пачаткам 2015 года ў якасці беспрацоўных зарэгістравана на 122 чалавекі менш, але афіцыйны ўзровень беспрацоўя застаецца ранейшым – 1,3% ад эканамічна-актыўнага насельніцтва.
Прозвішчы чыноўнікаў трапляюць у загалоўкі гарадзенскіх навін нярэдка. Наколькі ўважліва вы за імі сочыце? Прапануем тэст, у якім можна пераўвасобіцца ў старшыню гродзенскага гарвыканкама ды ўзгадаць розныя моманты з гарадзенскага этапу яго чыноўнічай кар’еры. Пра іншых чыноўнікаў мы таксама створым асобныя тэсты.
Напярэдадні выхаду новага альбома “Рэха” гарадзенская група да Дня нараджэння нацыянальнага героя Беларусі, ЗША і Польшчы прадставіла сінгл “Тадэвуш Касцюшка”.
Да 29 лютага часова прыпынены рух аўтобусных экспрэс-маршрутаў на рынак “Паўднёвы”. Гэта звязана са змяншэннем колькасць пасажыраў, патлумачылі ў аўтобусным парку Гродна.
Нядаўна прадпрыемства “Керамін” размясціла рэкламу на гістарычным будынку ў Гродне і такім чынам унесла ў панараму старога горада своеасаблівы штрых. Блогер Asnoru ўявіў, што было б, калі б прадпрыемства з вельмі падобнай назвай існавала ў часы вядомага жывапісца Напалеона Орды. Некаторыя вядомыя пейзажы майстра выглядалi б тады крыху інакш.
Жыхары Беластока лічаць, што жывуць у лепшым горадзе Польшчы. Ці, як мінімум, проста задаволеныя сваім жыццём. Такія вынікі даследавання, што былі апублікаваныя ў канцы студзеня.
Каманда Сяргея Саладоўнікава вызначылася з першым супернікам у міжсезонні. 6 лютага жоўта-зялёныя сустрэнуцца ў Брэсце з ФК “Граніт”.
