Калі 6 чэрвеня з’явілася інфармацыя пра сур’ёзную аварыю на прадпрыемстве “Гродна Азот”, інспектары Алітускага дэпартамента аховы прыроды накіраваліся на Нёман, каб даследаваць раку ў найбліжэйшым да беларускай мяжы месцы, піша Delfi.lt.
Чарговы тур чэмпіянату Беларусі зноў скончыўся не на карысць “Нёмана”. Гэтым разам гарадзенцы саступілі яшчэ аднаму дэбютанту Вышэйшай лігi – ФК “Гарадзея”.
У Гродзенскую вобласць 9 чэрвеня з азнаямленчым візітам прыбыў кіраўнік аддзялення пасольства Швейцарскай канфедэрацыі ў Беларусі Паскаль Эбiшэр. Спачатку дыпламат сустрэўся з кіраўніком вобласці Уладзімірам Краўцовым, з якім абмеркаваў шэраг эканамічных пытанняў. У другой палове дня Паскаль Эбiшэр меў сустрэчу з прадстаўнікамі дэмакратычных і грамадзянскіх супольнасцяў горада і вобласці.
Лета – час сукенак, шортаў, адкрытых ног і іншых частак цела. Гарадзенкі добра ведаюць як апранацца летам і што адкрываць. Глядзіце на фотках.
Грузавік MAN з партыяй адзення ехаў з Германіі праз пункт пропуску “Брузгі”. Мытны кантроль, праведзены супрацоўнікамі аддзела па барацьбе з кантрабандай, выявіў у аўтамабілі незаяўленае адзенне, а тых прадметаў гардэробу, што былі названы ў суправаджальных дакументах, аказалася нашмат больш, чым заяўлялася. Пра гэта паведамляе прэс-група Гродзенскай рэгіянальнай мытні.
Урачысты дзень Сёмага Фестывалю беларускамоўнай рэкламы і камунікацыі aDNaK! ужо хутка — 30 чэрвеня на тэрыторыі крэатыўнай прасторы “Корпус8”. А падаць работы ўдзельнікі яшчэ могуць паспець да 10 чэрвеня. Пасля чаго абноўлены склад журы ў гарачых абмеркаваннях, дыскусіях, а часам і спрэчках вызначыць пераможцаў. І заўсёды цікава, хто ж тыя людзі, ад меркавання якіх залежыць твая перамога.
Жыхарка Гродна патрапіла пад колы грузавіка 9 чэрвеня, у 7.45. Яна пераходзіла дарогу побач з пешаходным пераходам па вуліцы Астроўскага, ля скрыжавання з Дзяржынскага, паведамілі ў прэс-службе ДАІ Гродна.
З 8 па 10 чэрвеня ў Гродне праходзіць 17-ы Рэспубліканскі агляд-конкурс прафесійнага майстэрства супрацоўнікаў дарожна-патрульнай службы Дзяржаўтаінспекцыі Беларусі. Конкурс аб’яднаў самых хуткіх, дакладных і вынослівых інспектараў з усёй краіны – агулам восем каманд: сем рэгіёнаў і спецпадраздзяленне “Страла”. Па-за конкурсам выступае зборная каманда супрацоўнікаў ДПС ДІБДР Расійскай Федэрацыі.
Незвычайны від спорту – слэклайн – з’явіўся ў Гродне ў 2013 годзе. Усё пачалося, калі студэнт медыцынскага ўніверсітэта Аляксандр сам вырашыў бліжэй пазнаёміцца з гэтым экстрэмальным заняткам. Зараз у яго камандзе восем чалавек, якiя папулярызуюць гэты спорт i запрашаюць гараджан далучацца.
У Гродне распрацоўваюцца маршруты для тралейбусаў, у якія ўвойдуць участкі гарадскіх дарог без кантактнай сеткі. Аб гэтым карэспандэнту БЕЛТА паведаміў дырэктар Гродзенскага тралейбуснага ўпраўлення Віктар Шарэйка.
