6 чэрвеня 1841 года нарадзілася знакамітая польская пісьменніца Эліза Ажэшка. З нагоды юбілею прапануем разрэзанае на 45 кавалкаў фота яе доміка. Збяры пазл правільна, перасоўваючы часткі мышкай ці тачпадам.
Арганізатары Сёмага фестывалю беларускамоўнай рэкламы і камунікацыі “aDNaK!” – прыхільнікі разбурэння стэрэатыпаў. І калі беларусы зазвычай адкладаюць усё на апошні момант, мы заклікаем рабіць па-іншаму. 10 чэрвеня, калі заканчваецца прыём работ на Фестываль “aDNaK!”, ужо хутка. Таму спяшаемся, заходзім на adnak.by і загадзя падаем свае працы, каб стаць удзельнікам яскравай падзеі лета.
Тэрміновы выклік атрымалі гарадзенскія выратавальнікі 6 чэрвеня ў 12.45 з “Гродна Азот”, паведамілі ў прэс-службе МНС. Адбылося задымленне ў адным з цэхаў. Пры правядзенні агнявых работ іскра патрапіла на гідраксіламінсульфат, у выніку два рабочыя смяротна атруціліся, яшчэ двух шпіталізавалі.
Падчас XI Фестывалю нацыянальных культур на вуліцах Гродна апрабавалі новы вулічны конкурс. Гарадзенцам прапаноўвалі за хвіліну без вады з’есці чатыры звычайных квадратных печыва. Здавалася б, усё проста, але насамрэч заданне значна складаней.
З пачатку тыдня ў Гродне адчувальна пахаладала: сярэднесутачная тэмпература чакаецца на 2-4 градусы ніжэйшай за норму.
Фестываль нацыянальных культур гэта не толькі магчымасць “людзей паглядзець”, але і добры шанец “сябе паказаць”. Прычым – не толькі са сцэны. Гарадзенцы і госці горада, што 5 чэрвеня наведалі майстар-клас этнографа Сяргея Выскваркі, маглі ў тым упэўніцца. Наўпрост на вуліцы усе ахвотныя вучыліся пабытовым беларускім танцам.
Цяпер у Фестывалю нацыянальных культур ёсць свой музей. 5 чэрвеня пастаянную экспазіцыю адкрылі ў сярэдняй школе №8. У адмысловым музейным пакоі размясцілася больш за 100 экспанатаў, звязаных з рознымі дыяспарамі і гісторыяй свята.
На кожным нацыянальным падворку 4 чэрвеня можна было паглядзець на традыцыйныя спевы і танцы, прадэгуставаць кухню і пазнаёміцца з бытам розных народаў. Мы завіталі да беларусаў, літоўцаў, палякаў, расіян, украінцаў, татар і габрэяў. А пра тое, што было на заакіянскіх падворках, чытайце тут.
У другі дзень Фестывалю нацыянальных культур ля падножжа гарадзенскіх замкаў афіцыйна адкрылі новую скульптуру – копію сярэднявечнай шахматнай фігуры-ладдзі, што захоўваецца ў гісторыка-археалагічным музеі.
У нядзелю 5 чэрвеня стала вядома, што галоўным трэнерам ФК “Нёман” з 8 чэрвеня прызначаны вядомы беларускі спецыяліст Ігар Кавалевіч. Гэтую інфармацыю пацвердзіў старшыня назіральнага савета гарадзенскага клуба Мечыслаў Гой.
