Прэзідэнт падпісаў указ № 634, які прадугледжвае карэктыроўку Правіл дарожнага руху. У адпаведнасці з гэтым дакументам з 17 снежня 2009 года ўдзел у дарожным руху дазволены ўсім транспартным сродкам з таніраваннем задняга і бакавога шкла.
Мабільны тэлефон, які створаны на Мастоўскай сельгастэхніцы, плануецца збіраць з кітайскіх камплектуючых. У ім акрамя асноўных паслугаў мабільнага тэлефону на зваротным баку будзе размешчана кнопка SOS. У тэлефоне мінімум функцый, але вялікія кнопкі. Каштуе ён нядорага і разлічаны на пенсіянераў.
Фатограф з Гродна Леанід Шчаглоў, больш вядомы ў горадзе і ў інтэрнэт-прасторы як prosto-free, перамог у конкурсе фотаздымкаў «Крок у свет без межаў» вядомага расійскага блогера drugoi. Пераможца атрымаў найноўшую мадэль тэлевізара LG LED LCD TV SL9000.
Учора на вул. Віленскай тралейбус збіў жанчыну, траўма апынулася смяротнай. Два дні таму на гэтым жа ўчастку дарогі МАЗ збіў пешахода, які з траўмамі знаходзіцца ў бальніцы.
Два літоўскіх горада для гарадзенцаў – амаль што родны дом: Вільнюс і Друскінінкай. Зрэшты, і Каўнас ніколі не быў абдзелены нашай увагай. А напярэдадні навагодніх святаў у падарунак гараджанам і гасцям тут узвялі палац… з лёду. Можна адважна адпраўляцца на экскурсію.
Паездка «Гродна-93» у Гомель на гульні з «Сожам» прынесла камандзе перамогі. Першая сустрэча скончылася з рахункам 78:73, а лепшым снайперам гэтага матчу ў складзе каманды стаў Вячэслаў Багданаў з 22 ачкамі. Другую сустрэчу гарадзенцы правялі з вялікім адрывам: 101:84 на карысць «Гродна-93». На рахунку Максіма Шустава ў гэтай гульне – 22 ачка.
Суперкампутар Беларусі «СКІФ-К-1000.1», змешчаны па-за суперкампутарным цэнтрам НАН, усталяваны ў Гродна. 16 снежня ў ГрДзУ імя Янкі Купалы адбудзецца ўрачыстае адкрыццё Гарадзенскага рэгіянальнага сегмента ГРІД-сеткі.
Першая дэкада снежня адзначана ў Смаргоні адкрыццём швейнай фірмы «Карункі» («Кружева»), якую адкрыла ЗАТ «Мілавіца». Размясцілася вытворчасць у памяшканнях прафесійна-тэхнічнага вучылішча.
Заўтра Дзед Мароз са Снягуркай на белым лімузіне наведаюць тры самыя вялікія елкі Гродна, запаляць іх, потым запаляць усе святочныя ілюмінацыі, сустрэнуцца са школьнікамі і прадстаўнікамі гарадскіх улад… Адбудзецца акцыя «Агнёў чароўны карагод адкрые дзверы ў Новы год», якая прэтэндуе стаць традыцыйнай.
Сёння ў Гарадзенскім Старым Замку адкрылася выстава фота, прымеркаваная да 170-годдзя ўзнікнення фотакарткі. Да агляду прадстаўлена каля 300 фотаздымкаў перыяду – ад 1860-га да 1935-га годоў.
