Шэсце памяці Выклятых жаўнераў мае адбыцца ў Гайнаўцы на Падляшшы 27 лютага. Урачыстасць ужо паспела выклікаць шмат спрэчак, перад усім у кантэксце міжнацыянальных адносін у рэгіёне. Справа ў тым, што шэсце адбудзецца таксама ў гонар тых, хто пасля вайны забіваў мясцовых праваслаўных.
Указ № 40, які ўступіць у сілу з 14 красавіка, яшчэ болей абмяжоўвае бязмытны ўвоз тавараў для асабістага карыстання на тэрыторыю Беларусі. І праз гэта, паводле жыхароў памежнага рэгіёну, ахвотных наведваць суседнюю Польшчу стане яшчэ менш.
Дзеці, якія 11 лютага наўпрост са школьнай лінейкі патрапілі ў шпіталь з сімптомамі атручэння невядомым рэчывам, у большасці ўжо выпісаныя з лякарні, паведаміў галоўны ўрач Гродзенскай абласной дзіцячай клінічнай бальніцы Сяргей Таранцей.
Чым выклікана недамаганне дзяцей, усё гэтак жа не ясна. У абед 11 лютага са школы ў вёсцы Рацічы, якая знаходзіцца недалёка ад Гродна, сталі паступаць званкі ў хуткую з інфармацыяй аб дрэнным самаадчуванні навучэнцаў.
Бліжэйшыя дні ў Гродне і вобласці чакаюцца днём мокры снег і дождж, моцныя парывы ветру, а ноччу замаразкі. Як вынік – галалёдзіца на дарогах. Сярэдняя дэкадная тэмпература чакаецца на 7 градусаў вышэй за кліматычную норму (норма -4,5…-6,1ºС), паведамілі ў аблгідрамеце.
Частку драўлянага мосту ў вёсцы Моцевічы Лідскага раёна знесла плынню вады з ільдом, паведамілі ў прэс-службе МНС.
Пра тое, што абавязкова трэба пабачыць турысту ў Дзятлаве і ваколіцах расказвае настаўніца Вікторыя Фабішэўская.
Прадпрыемства па абясшкоджванню камунальных адкідаў – завод, на якім спальваюць смецце – афіцыйна пачало працу 9 лютага. Гэта была самая буйная інвестыцыя ў падляшскім рэгіёне за апошнія гады – будаўніцтва каштавала каля 330 млн злотых (74,1 млн еўра). Завод дапаможа не толькі пазбавіцца смецця, але і выпрацаваць электрычнасць ды цяпло.
У час назірання за птушкамі ў Бераставіцкім раёне сябры “Аховы птушак Бацькаўшчыны” заўважылі самца і чатыры самкі плямістага аленя. Дагэтуль від не адзначаўся ў прыродзе Беларусі і не пералічваецца ў апошняй зводцы “Животный мир Беларуси. Позвоночные” выдадзенай у 2013 годзе.
Жыхары Беластока лічаць, што жывуць у лепшым горадзе Польшчы. Ці, як мінімум, проста задаволеныя сваім жыццём. Такія вынікі даследавання, што былі апублікаваныя ў канцы студзеня.
