Уласнік драўлянай сядзібы ХІХ стагоддзя – Агракамбінат “Скідзельскі” – збіраўся зносіць дом, але ўмяшанне гісторыкаў прымусіла выставіць аб’ект на аўкцыён. Некалькі разоў яго не ўдавалася прадаць, але 12 жніўня былы панскі маёнтак атрымаў новага гаспадара, піша belsat.eu.
Каля 150 устаноў агульнай сярэдняй адукацыі (амаль 44 %) у вобласці ўжо абсталяваны сістэмамі відэаназірання. Найбольшая колькасць такіх школ у Гродне, Лідскім, Навагрудскім, Слонімскім і Ашмянскім раёнах. Дадаткова да 1 верасня плануецца абсталяваць камерамі яшчэ 24 школы, паведаміў карэспандэнту БЕЛТА начальнік упраўлення адукацыі аблвыканкама Аляксандр Сангін.
У родным горадзе паэтку лічаць гераіняй усе, акрамя чыноўнікаў, піша belsat.eu.
На магіле Янкі і Ларысы Геніюшаў у Зэльве сёлета сабралася не так і шмат народу: з дзясятак чалавек са сцягамі, кветкамі ды знічкамі. Не дзіўна, бо асноўныя ўшанаванні, а менавіта першая навуковая канферэнцыя, прысвечаная паэтцы, адбудзецца ў Горадні непасрэдна ў дзень яе нараджэння – 9 жніўня.
З сярэдзіны красавіка краіна жыве з новымі лімітамі: тыя, хто ездзіць за мяжу часцей чым раз на тры месяцы, могуць бяспошлінна завезці тавараў на суму да 300 еўра і вагой да 20 кілаграмаў. Ці атрымалася беларусам, у якіх самы высокі ў свеце адсотак шэнгенскіх візаў на душу насельніцтва, прыстасавацца да новых правіл? Ці часта парушаюць і што вязуць? Каб адказаць на гэтыя пытанні, Onliner.by адправіўся на беларуска-польскую мяжу.
Новы вакзал мае быць зручным і сучасным. Сённяшні хутчэй пужае сваім станам. Пакуль што працы не ідуць, але разбіраць існуючы будынак павінны пачаць ужо ў кастрычніку. У чэрвені 2017 года новы вакзал мае быць гатовы, піша poranny.pl.
Журналісты “НН” адправіліся ў Астравецкі раён, каб даведацца, як мясцовыя жыхары ставяцца да будавання беларускай атамнай электрастанцыі.
Бусел на сметніку – мір на зямлі. Магчыма, у будучыні менавіта так будзе гучаць фальклор новых пакаленняў беларусаў. І дзяцей белакрылыя птушкі будуць прыносіць таксама са сметнікаў, а не з капусты. Першыя званочкі такой будучыні гучаць ужо сёння – буслы ўслед за грамадствам спажывання змяняюць уласныя паводзіны: шукаюць больш лёгкае харчаванне на сметніках ды змяняюць шляхі міграцыі. Навошта ляцець у Афрыку, калі можна выжыць на бліжэйшай звалцы?
Унікальны палацава-паркавы комплекс у Свяцку, узведзены італьянскім архітэктарам Джузэпэ Сака ў XVIII стагоддзі для магнатаў Валовічаў, застаўшыся без гаспадара, пакрысе разбураецца. Іншага падобнага помніка архітэктуры блізу Гродна няма, піша svaboda.org.
Больш станцый, дзе ў горадзе можна ўзяць напракат роват у межах сістэмы BiKeR (Беластоцкая роварная камунікацыя), хочуць стварыць дэпутаты гарадскога савета Беластока. Таксама сярод іх прапаноў – дадаць дзіцячыя і электраровары. Гарадскі ровар – надзвычай папулярны ў Беластоку. Сёлета жыхары горада ў чарговы раз пабілі рэкорд па колькасці выкарыстанняў BiKeR’a, піша poranny.pl.
Куды лётаюць лоўкосты з суседніх з Беларуссю краін? Калі больш шанцаў купіць самы танны білет? Як не пераплаціць за дарогу ад аэрапорта ў горад прызначэння і за рэгістрацыю на рэйс? У разгар турыстычнага сезона TUT.BY прапануе агляд лоўкостаў.
