Чатыры скрыні кітайскай капусты, адпраўленых, паводле дакументаў, прадпрымальніцай з Гродна свайму партнёру ў Мурманску, былі спаленыя 20 красавіка ў крэматорыі Кольскай станцыі па барацьбе з хваробамі жывёлаў.
Каля 20 плямістых аленяў блукае ў выколіцах вёскі Алекшыцы на Гарадзеншчыне. Па словах мясцовых жыхароў, старшыня калгаса завёз жывёл у пачатку 2000-х гадоў, але разводзіць іх не атрымалася, бо ўсе яны ўцяклі і цяпер самастойна жывуць і размнажаюцца ў прыродзе.
Улады Беластока знайшлі зручны спосаб збудаваць новы аўтавакзал без выкарыстання грошаў з гарадскога бюджэту. Гэтым займаецца варшаўскае прадпрыемства Budner, якое ўзамен атрымае больш за палову тэрыторыі, што зараз належыць прадпрыемству PKS (Дзяржаўная аўтамабільная камунікацыя).
Апошні раз у Гродзенскай вобласці гагу звычайную назіралі ў 2007 годзе. Праз дзевяць гадоў рэдкую для гэтых мясцін марскую качку зноў заўважылі. Зараз паглядзець на яе прыязджаюць арнітолагі з розных гарадоў Беларусі.
Сёлета 26 красавіка спаўняецца 30 гадоў з дня катастрофы на Чарнобыльскай АЭС. Многія жыхары Гомельскай і Магілёўскай абласцей вымушаныя былі тады пакінуць родныя мясціны і па-новаму абжывацца на Гарадзеншчыне. Карэспандэнт “Свабоды” наведаўся ў госці да былых жыхароў чарнобыльскай зоны, якія пражылі па 25 гадоў у Вялікай Бераставіцы.
Адметны драўляны дом на вуглу Валковіча і 17 Верасня павінны знесці сёлета. Штогод у Гродне зносяць некалькі старых будынкаў. Занядбаныя і забытыя дамы пустуюць і ператвараюцца ў руіну да часу, аж не робяцца пагрозай для гараджан. Гэта добра вядомы гарадзенскі сцэнарый. Але ў суседніх краінах ды нават у Расіі ёсць прыклады таго, як вярнуць такім дамкам даўнюю прыгажосць.
Вясновыя дзянькі дазваляюць добра правесці час на прыродзе. Аднак часта гараджане спрабуюць вынесці з рэк і лясоў не толькі добры настрой. Інакш кажучы, займаюцца браканьерствам, спрабуючы лавіць рыбу, што ідзе на нераст, або зрываючы самыя першыя кветкі. Узгадваем, якія пакаранні прадугледжаны за гэта ў Беларусі.
Падляшскае ваяводства плануе ў 2017 годзе павялічыць колькасць цягнікоў у два разы. Гэта павінна павялічыць колькасць людзей, што карыстаюцца чыгункай. У ліпені 2016 будзе таксама вядома, ці адновіцца спалучэнне з Гродна, піша bialystokonline.pl.
На палове дарогі ад Сакулкі да Кузніцы на хаду загарэлася беларуская фура. Дым было бачна за некалькі кіламетраў, на месца прыехала пяць пажарных разлікаў, а траса некалькі гадзін была заблакаваная.
У ходзе расследавання крымінальнай справы, узбуджанай Карэліцкім раённым аддзелам Следчага камітэта па факту хуліганства, звязанага з пашкоджаннем маршрутнага мікрааўтобуса (ч.1 арт.339 Крымінальнага кодэкса Рэспублікі Беларусь), устаноўлены падазроныя асобы і выяўлена аналагічнае злачынства, раней здзейсненае ў суседнім раёне, паведамляе сайт Гарадзенскага Упралення следчага камітэта 4 красавіка.
