Ад 2 верасня ў Польшчы забароненая прапаганда камунізму і іншых таталітарызмаў, у тым ліку праз назвы вуліц і аб’ектаў. Адпаведна, 11 вуліц у Беластоку маюць змяніць назвы. Адну з іх у фэйсбуку старонка “Polskie Grodno” заклікае назваць імём Тадэвуша Ясіньскага, які стаў сімвалам абароны Гродна ад саветаў у верасні 1939 года, піша poranny.pl.
Супрацоўнікі мытні “Мінск-2”, што ў нацыянальным аэрапорце, знайшлі ў паштовым адпраўленні з Нямеччыны, скіраваным жыхару Мінска, ліст са старадаўняй гравюрай “Праўдзівая выява горада Гродна ў Літве” Мацвея Цюндта. Пра гэта паведамілі ў прэс-службе мытні.
З пачаткам восені ў СВК “Прагрэс-Верцялішкі” пачалі ўборку яблык. Каб сабраць ураджай з 67 гектараў сада, на сезонную працу дадаткова набралі каля 100 чалавек. Раннія гатункі яблыкаў ужо паступаюць ў крамы, больш познія будуць закладзены на захоўванне. Сёлета сад павінен даць не менш за 2,5 тысячы тон яблык.
Пакуль беларускія кандыдаты ў дэпутаты заклікаюць увесці ў жыццё дамову аб малым памежным руху, урад Польшчы вырашыў спыніць бязвізавы рух з Калінінградам. Апазіцыйныя польскія палітыкі лічаць, што гэты крок перакрэслівае перспектывы такога спрошчанага рэжыму на беларуска-польскай мяжы.
Ужо з раніцы прапускны пункт Брузгі адчувальна ажывіўся. Да поўдня ў бок Польшчы сабралася чарга, а жадаючых перасекчы мяжу рабілася ўсё больш, піша kp.by.
У суботу, 27 жніўня, грамадзянін Беларусі выпіваў алкагольныя напоі разам з мясцовымі жыхарамі, мужчынам і жанчынай, каля адной з крамаў на Алеі Пілсудскага ў Беластоку. У пэўны момант ён выцягнуў мабільны, каб паглядзець час. Тады жанчына ўдарыла яго ў твар, забрал тэлефон і разам з польскім сябрам пачалі збіваць ахвяру. Абрабаваўшы 33-гадовага беларуса, зламыснікі ўцяклі, паведамілі ў прэс-службе паліцыі Беластока.
Кінолагі з атрада надзвычайнага рэагавання завіталі ў летнік “Зорька” 27 жніўня ў Міжнародны дзень Чырвонага Крыжа. Цягам года яны са сваімі чатырохлапымі гадаванцамі працавалі ў праекце “Кіналогія, што ацаляе” – праводзілі заняткі ў Цэнтры дзённага знаходжання Чырвонага Крыжа і наведвалі дзяцей з інваліднасцю дома.
Прычынай гібелі супрацоўніка расійскай арганізацыі пры будаўніцтве БелАЭС маглі стаць парушэнні правілаў бяспекі пры падачы балонаў з газавай сумессю супрацоўнікамі субпадрадных арганізацыі. Пра гэта TUT.BY паведамілі ў прэс-службе генеральнага падрадчыка будаўніцтва Беларускай АЭС “НІАЭП-АСЭ”.
Дзевяць дзён, з 24 жніўня да 1 верасня, у летніку “Зорька”, што месціцца на Юбілейным возеры, адпачывае асаблівая змена. Сюды запрасілі сем’і, што выхоўваюць дзяцей з інваліднасцю, а таксама дзяцей з сем’яў, што знаходзяцца ў сацыяльна небяспечным становішчы. Праводзіць летнік Гродзенскае аддзяленне Чырвонага Крыжа, фінансавую падтрымку ў арганізацыі аказалі вернікі з Японіі і Міжнародная федэрацыя Чырвонага Крыжа.
Пастаянны Прадстаўнік ПРААН у Беларусі Санака Самарасінха прадставіў 29 жніўня на сустрэчы з грамадскасцю Гродна канцэпцыю кампаніі “Інклюзіўная Беларусь. Мэты ўстойлівага развіцця для ўсіх”. Мерапрыемствы гэтай кампаніі на Гарадзеншчыне адбудуцца 15 лістапада ў Лідзе і 18 лістапада ў Гродне.
