У межах журналістцкага эксперыменту “Белгазета” звоніць у аддзелы продажу розных беларускіх вытворцаў і прапануе цікавыя камерцыйныя прапановы. Адна з тэлефонных размоў датычыла паставак прадукцыі ашмянскага ААТ “Белкофе” ў Бразілію.
У нядзелю ў беластоцкай Галерэі Арсенал некалькі дзясяткаў чалавек удзельнічала ў сустрэчы пад лозунгам “Мы з вамі”. Каля гадзіны актывісты Майдану, у тым ліку дзеячы культуры, праз відэасувязь расказвалі пра тое? чым яны займаюцца і агулам пра сітуацыю ва Украіне.
Удзел у імпрэзе пад лозунгам “Мы з вамі!” возьмуць увечары 9 лютага дзеячы культуры, палітыкі, студэнты, журналісты, а таксама іншыя неабыякавыя да падзеяў у Украіне жыхары Беластока, госці з Украіны.
Мужчына добраахвотна прынес у міліцыю дзясятак штык-нажоў, афіцэрскі корцік, вінтоўку Мосіна, пісталет, патроны і порах.
Ужо месяц, як гарадзенцы, што маюць візы, могуць хадзіць пешкі ў бліжэйшы польскі гарадок – Кузніцу. Гэта зручней за ранейшыя традыцыйныя паходы ў Друскенікі: ад літоўскай мяжы да горада ісці каля дзевяці кіламетраў, а ў Кузніцы выхад з пункту пропуску – адразу ў мястэчка. “Твой стыль” выпрабаваў пешы шлях у Польшчу.
30 студзеня мясцовы жыхар заўважыў, што на беразе ракі Рось ля вёскі Пекары ў лядовым палоне сядзіць лебядзь. Выратавальнікі МНС увечары здолелі вызваліць птушку.
Усё больш чалавек карыстаецца магчымасцю перайсці мяжу ў “Брузгах-Кузніцы” пешкі. Па інфармацыі польскіх мытнікаў, за першыя тры тыдні студзеня гэтак зрабіла больш за 7000 чалавек. У большасць гэтыя людзі ішлі на закупы ў крамы Кузніцы Беластоцкай.
Тавары на рэкордную суму амаль мільярд злотых (каля 250 млн еўра) вывезлі замежнікі з Польшчы ў 2013 годзе праз пункты пропуску Падляшскага ваяводства. Большасць замежнікаў – грамадзяне Беларусі.
Кожны з праектаў атрымае да 15 тысяч долараў. Гэтаксама праграма дапаможа 13 праектам з Берасцейшчыны. Агулам па выніках конкурсу, аб’яўленага ў 2013 годзе, адабрана 31 з 94 пададзеных заявак.
Пра ўдзел гродзенскіх выратавальнікаў у міжнародных праектах і бліжэйшыя планы Гродзенскага абласнога ўпраўлення МНС распавёў новы начальнік упраўлення Сяргей Шпарло.
