Беларусы скарачаюць выдаткі ў польскіх крамах, гандлёвых цэнтрах і рынках. У першым паўгоддзі нашы суайчыннікі закупілі тавары ў суседняй краіне амаль на 576 мільёнаў злотых (амаль 290 мільёнаў дэнамінаваных рублёў, або 148 мільёнаў долараў). У параўнанні з мінулым годам выдаткі беларусаў у Польшчы скараціліся на 26%, паведаміў TUT.BY прэс-сакратар Мытнай палаты ў Беластоку Мацей Чарнецкі.
Удзельнік кампаніі “Права выбару-2016” Віталь Раманчук адмовіўся ад назірання за выбарамі пасля таго, як яго жонцы прыгразілі звальненнем з працы. Пра гэта паведамляе прэс-служба кампаніі, піша naviny.by.
“Дзесяць інінгаў супраць “Мінску” гулялі, уяві?” Інінгі, дагаўты і хоўм-раны — у Скідзелі шмат хто разумее, пра што ідзе гаворка. У гэтым 10-тысячным гарадку пад Гародняй гуляе адна з наймацнейшых у Беларусі каманд па бейсболе. З трох школ тут, бадай, няма ніводнага класа, дзе б не было бейсбалістаў. Чаму адзіная каманда вобласці не збірае стадыёнаў і як беларуская мова дапамагае ў бейсболе, Свабода даведалася падчас гульні ў Скідзелі.
Тэатральная студыя “6-я Студия” праводзіць кастынг студэнтаў на ролі ў спектаклі “Дарыян” па матывах рамана Оскара Уайльда “Партрэт Дарыяна Грэя”.
Бурмістр польскага Аўгустова Войцех Валюлiк разам з дэлегацыяй польскіх спартсменаў-байдарачнікаў праплыў па вадзе шлях да Гродна і 6 верасня на гарадскім пляжы сустрэўся са старшынёй гродзенскага гарвыканкама Мечыславам Гоем.
6 верасня ў Гродне на Паўднёвым рынку зачынілі свае гандлёвыя кропкі індывідуальныя прадпрымальнікі, якія гандлююць таварамі лёгкай прамысловасці, піша euroradio.fm. Як паведаміў агенцтву БелаПАН старшыня рэспубліканскага грамадскага аб’яднання “Перспектыва” Анатоль Шумчанка, такім чынам прадпрамальнікі адказалі на праверку падаткавікоў.
У адной з вайсковых частак Гродзенскага гарнізона 6 верасня ў ходзе чысткі зброі пасля выканання стрэльбаў на палігоне вайсковец тэрміновай службы атрымаў раненне, несумяшчальнае з жыццём, паведамілі ў прэс-службе Міністэрства абароны.
У Гродне пачаўся рамонт веладарожкі, якая вядзе ў бок Друскенік: ад скрыжавання вуліц Грандзіцкая-Ражанскага да прыпынку ў Зарыцы (каля крамы). Яна будзе асфальтаванай. У саміх Грандзічах таксама хутка пачнуць будаваць веладарожку.
Блогер-гісторык Мечыслаў Супрон шмат гадоў збіраў электронныя версіі розных планаў Гродна – пачынаючы ад плана 1706 года і заканчваюся сучаснымі, пачатку 2000-х. Ён апублікаваў іх для агульнага карыстання ў сваім блогу. Планы падпісаныя, усе маюць вялікія памеры, а некаторыя нават склееныя з асобных фрагментаў.
Незалежны назіральнік з Гродна Раман Юргель атрымаў адказ на сваю скаргу ў ЦВК на прадмет выкарыстання дзяржаўнай прэсай адміністрацыйнага рэсурсу для агітацыі за вылучаных уладай кандыдатаў у дэпутаты. Гэта ўжо не першая скарга незалежных назіральнікаў Гродна на тое, што “Гродзенская праўда” цягам трох месяцаў паслядоўна піярыла ўладных кандыдатаў, піша spring96.org.
