У Гродне асуджаных на “хімію” водзяць галасаваць калонамі
Рэпартаж Свабоды з выбарчых участкаў Гродне, дзе датэрмінова галасуюць студэнты і асуджаныя на абмежаванне волі.
Беларусы за паўгода пакінулі ў польскіх крамах амаль 150 млн долараў
Беларусы скарачаюць выдаткі ў польскіх крамах, гандлёвых цэнтрах і рынках. У першым паўгоддзі нашы суайчыннікі закупілі тавары ў суседняй краіне амаль на 576 мільёнаў злотых (амаль 290 мільёнаў дэнамінаваных рублёў, або 148 мільёнаў долараў). У параўнанні з мінулым годам выдаткі беларусаў у Польшчы скараціліся на 26%, паведаміў TUT.BY прэс-сакратар Мытнай палаты ў Беластоку Мацей Чарнецкі.
У Гродне ўдзельнік кампаніі “Права выбару” адмовіўся ад назірання пасля таго, як яго жонцы прыгразілі звальненнем
Удзельнік кампаніі “Права выбару-2016” Віталь Раманчук адмовіўся ад назірання за выбарамі пасля таго, як яго жонцы прыгразілі звальненнем з працы. Пра гэта паведамляе прэс-служба кампаніі, піша naviny.by.
У Гродне прадпрымальнікі Паўднёвага рынка зачынілі гандлёвыя кропкі
6 верасня ў Гродне на Паўднёвым рынку зачынілі свае гандлёвыя кропкі індывідуальныя прадпрымальнікі, якія гандлююць таварамі лёгкай прамысловасці, піша euroradio.fm. Як паведаміў агенцтву БелаПАН старшыня рэспубліканскага грамадскага аб’яднання “Перспектыва” Анатоль Шумчанка, такім чынам прадпрамальнікі адказалі на праверку падаткавікоў.
ЦВК рэкамендавала “Гродзенскай праўдзе” ўстрымацца ад публікацый за праўладных кандыдатаў
Незалежны назіральнік з Гродна Раман Юргель атрымаў адказ на сваю скаргу ў ЦВК на прадмет выкарыстання дзяржаўнай прэсай адміністрацыйнага рэсурсу для агітацыі за вылучаных уладай кандыдатаў у дэпутаты. Гэта ўжо не першая скарга незалежных назіральнікаў Гродна на тое, што “Гродзенская праўда” цягам трох месяцаў паслядоўна піярыла ўладных кандыдатаў, піша spring96.org.
Бурмістр Аўгустова прыплыве на байдарцы на сустрэчу з Мечыславам Гоем
Бурмістр Аўгустова Войцех Валюлік разам з найлепшымі байдарачнікамі аўгустоўшчыны збіраецца па вадзе пераадолець шлях са свайго горада да Друскенік, спыніўшыся па дарозе ў Гродне. У час падарожжа ён сустрэнецца з кіраўнікамі абодвух гарадоў.
У Гродна прыехаў новы Генеральны консул Польшчы. Ужо запланаваны сустрэчы з мясцовымі ўладамі
У Гродна прыехаў новы Генеральны консул Рэспублікі Польшчы Яраслаў Ксёнжэк, паведамілі “Твайму стылю” ў консульстве. Пакуль не паведамляецца, калі консул афіцыйна пачне сваю працу. Напэўна, яго місія распачнецца ў верасні. Вядома, што ўжо на наступнымі тыдні ён плануе сустрэцца з мясцовымі ўладамі. Таксама яго ўжо бачылі на адкрыцці выставы ў галерэі Тызенгаўза 23 жніўня.
“Як верыць такім камісіям?” На Гарадзеншчыне суды скасавалі рашэнні выбаркамаў аб нерэгістрацыі кандыдатаў
На Гарадзеншчыне праз рашэнні судоў кандыдатамі ў дэпутаты зарэгістраваныя яшчэ тры прэтэндэнты. Гэта прадстаўнікі дэмакратычных палітычных партый і незалежныя кандыдаты, піша svaboda.org.
Мытнікі абяцаюць, што з 1 верасня на беларуска-польскай мяжы не будзе калапсу
З 1 верасня, пасля адмены абмежаванняў на вываз паліва з Беларусі, чакаецца сапраўдны бум на беларуска-польскай мяжы. Беларусы змогуць выязджаць на аўто часцей, чым раз у восем дзён. У тым, што чэргаў можна будзе пазбегнуць, упэўненыя начальнік Гродзенскай рэгіянальнай мытні Андрэй Кавальчук і дырэктар Мытнай палаты Беластока Томаш Венгель. Яны сустрэліся, каб абмеркаваць актуальныя пытанні супрацоўніцтва на мяжы, піша “Перспектыва”.
Стартап-школа адкрыецца ў Гродне восенню
У верасні 2016 года ў Мінску, Брэсце, Віцебску і Гродне пачнуць працаваць стартап-школы, дзе кожны зможа паспрабаваць запусціць уласны бізнес, паведамілі БЕЛТА ў грамадскім аб’яднанні “Таварыства садзейнічання інавацыйнаму бізнесу”. Тры школы адкрыюцца ў абласных гарадах, і тры – у Мінску. Абласныя школы будуць арыентаваныя на запуск розных відаў бізнесу, сталічныя – на вытворчыя і навуковыя праекты, а таксама студэнцкія праекты БДТУ.