Веласіпед, як і вопратку, трэба падбіраць індывідуальна, упэўненыя бывалыя веласіпедысты. Як не заблытацца ў разнастайнасці тэхнічных прымочак і выбраць ідэальнага двухколавага сябра – Гродзенскаму зялёнаму парталу расказалі раварысты са стажам Сяргей Нікулін і Іван Найдзёнаў.
Наведаць усе экспазіцыі Старога і Новага замкаў, паўдзельнічаць у квэсце, наведаць сінемасалон і фотаатэлье, пакаштаваць веганскую ежу і паслухаць эксперыментальную музыку можна будзе 20 мая на сёлетняй Ночы музеяў у Гродзенскім гісторыка-археалагічным музеі.
У другой частцы шпацыру па Кунстава мы развіталіся ля рэштак мануфактур, якія, як аказваецца, праіснавалі як мінімум да канца ХІХ ст., хаця і ў выглядзе руін. Далей Ігар Лапеха вядзе нас на верхнюю тэрасу над Ласасянкай. Адсюль адкрываецца цудоўны від, праўда, прыкрыты лістотай шматлікіх дрэў. Удалечыні – недзе каля кіламетра, бачна ваданапорная вежа, каля якой пачалася наша экскурсія.
Другая тэатральная гасцёўня, што адбылася 12 мая, прайшла з невялікай колькасцю гледачоў, але ў вельмі цёплай атмасферы. Пасля прагляду трох міні-спектакляў гарадзенцы яшчэ больш за гадзіну размаўлялі з госцем імпрэзы рэжысёрам Міхаілам Лашыцкім. Як зазначыў Аляксандр Цебянькоў, адзін з арганізатараў мерапрыемства, гэтым разам гасцёўня насамрэч сабрала сапраўдных аматараў і сябраў тэатра.
Пацвердзілася інфармацыя, што гарадзенскі спецыяліст Сяргей Саладоўнікаў застанецца ў структуры “Нёмана”. Толькі ўжо не на пасадзе галоўнага трэнера асноўнай каманды, а на пасадзе трэнера па навукова-метадычнай рабоце. Раней гэтая пасада ў клубе лічылася вольнай.
Некалькі дзён таму ў Мінску пры пашырэнні адрэзка вуліцы Лібкнехта ў раёне Лютэранскага сквера – былых нямецкiх могілак – былі знойдзеныя парэшткі людзей. Гараджане і журналісты дамагліся, каб працы спынілі, а лютэране Гродна ў сваю чаргу выступiлi за перапахаванне парэшткаў.
З-за недахопу ўдзельнікаў рэканструктары былі вымушаныя перанесці экспедыцыю ад берагоў Гродна да Балтыкі. Дракар “Яцвяг” з’явіцца на Нёмане не раней за ліпень.
Новую задумку гарадскіх уладаў – стварыць у даліне Ласасянкі паркавую зону – варта падтрымаць цалкам. Тым больш, гэты маляўнічы куточак горада мае вялікую гістарычную вартасць. Разам з Ігарам Лапехам мы працягваем шукаць даўняе Кунстава – Дзівосны Горад у ваколіцах сённяшняга Фолюша.
У Гродне 14 мая больш за 150 памежнікаў з восьмі гарадоў Беларусі прынялі ўдзел у аглядзе-конкурсе аркестраў органаў Пагранічнай службы. Асноўныя дзеянні святочнага мерапрыемства прайшлі на вуліцы Савецкай і ў парку Жылібера.
Цуд не адбыўся ў трэцім матчы фіналу паміж мінскімі “Цмокамі” і “Гродна-93”. Гульня, якая праходзіла ў сталіцы, завяршылася на карысць гаспадароў, тым самым дазволіла ім заваяваць залатыя медалі чэмпіянату. “Цмокі” сёмы раз запар сталі пераможцамі чэмпіянату Беларусі, а “Гродна-93” у сёмы раз запар засталіся са срэбрам.
