Па выніках візіту дэлегацыі Гродзенскай вобласці ў правінцыю Ганьсу для ўдзелу ў 22-й Ланьчжоўскай міжнародна гандлёва-інвестыцыйнай выставе-кірмашы заключаны кантракты на пастаўку ў Кітай бярозавіку і вырабаў з крышталя. Пра гэта паведаміў старшыня Гродзенскага аблвыканкама Уладзімір Краўцоў, перадае Міжнароднае радыё Кітая.
Доктар філалагічных навук, прафесар Павел Сцяцко разам з калектывам з васьмі навукоўцаў універсітэта імя Янкі Купалы некалькі гадоў таму падрыхтаваў да друку новы, дапрацаваны чатырохмоўны расійска-беларуска-нямецка-англійскі фізічны слоўнік. Пакуль у аддзеле менеджменту ўніверсітэта вырашаюць, наколькі слоўнік можа быць запатрабаваны, у прафесара Сцяцко гатовыя да выдання іншыя працы. Што з імі будзе, таксама няясна.
Моцныя дажджы ў чарговы раз паказалі самыя праблемныя месцы Гродна. Апошняя залева падтапіла некалькі вуліц, крамаў і падвалаў дамоў. На мяжы затаплення аказалася і вядомая галерэя “Тызенгаўз”.
Майстар-клас “Каляровая хімія” пройдзе 16 ліпеня ў 15.00 у Гродзенскай абласной навуковай бібліятэцы імя Карскага. Студэнты хімічнага факультэта БДУ Вячэслаў Старэвіч і Мікіта Казубовіч прадэманструюць, як сухія формулы з падручнікаў ператвараюцца ў прыгожыя і каляровыя хімічныя рэакцыі. Сустрэча арганізавана ў межах некамерцыйнага праекта “Наука вне себя”, скіраванага на папулярызацыю навукі і пашырэнне магчымасцяў атрымаць новыя веды па-за сценамі навучальных устаноў.
“Суседскія” раварысты робяць апошнія прыгатаванні перад шостым веламарафонам, што пройдзе 16 ліпеня на Аўгустоўскім канале. Каб даведацца аб працы суддзяў і яе асаблівасцях на марафоне “Суседзі-2016”, мы сустрэліся з бяззменным галоўным суддзёй спаборніцтваў Іванам Найдзёнавым.
Творчыя гарадзенцы сумесна з летнім кафэ “Клевер” і цэнтрам ПОРА 13 лiпеня прадставілі сцэну “Вар’яцкага чаявання” з “Алісы ў Краіне Цудаў” Люіса Кэрала. Гэтай сцэнай арганізатары паспрабавалі прыцягнуць увагу гарадзенцаў да праблем дзяцей і дарослых, якія сутыкнуліся з анкалогіяй і для якіх час – самы каштоўны рэсурс.
У Карэліцкім раёне праводзяцца археалагічныя пошукі на месцы “палаца-прывіда”, які быў размешчаны непадалёк ад Мірскага замка. Пра гэта карэспандэнту БЕЛТА паведаміў загадчык кафедры гісторыі Беларусі, археалогіі і спецыяльных гістарычных дысцыплін Гродзенскага дзяржуніверсітэта імя Я. Купалы доктар гістарычных навук Сяргей Піваварчык.
Пра плюсы сэканд-хэндаў можна казаць бясконца. Пра плюсы гарадзенскіх крамаў такога тыпу – яшчэ больш. Тое, што наш горад знаходзіцца на захадзе мае значэнне! Невыпадкова мінчане кажуць, што такіх сэкандаў, як у Гродне, у сталіцы няма, ды ахвотна купляюць тут адзенне з Еўропы. Аднак пакупкі ў сэкандзе – гэта не проста прыйсці, узяць і выйсці. Прапануем 8 жалезных прынцыпаў, як закупацца танна ды выглядаць стыльна і модна. Цяпер ніякая віза непатрэбная!
Кожны народ мае ў сваёй гісторыі падзеі, якімі ён ганарыцца. На гэтых эпізодах мінулага выхоўваюцца новыя пакаленні. Яны ўключаны ў кантэкст дзяржаўнай ідэалогіі, на іх прыкладах фарміруецца гістарычная памяць народа. Няма сумневу, што падобнымі вызначальнымі момантамі айчыннай гісторыі ХІХ ст. былі нацыянальна-вызваленчыя паўстанні і, у першую чаргу, паўстанне 1863 года, піша Аляксандр Радзюк на nn.by.
Узгаранне лесавоза адбылося ў 9.40 каля гіпермаркета АЛМІ на праспекце Касманаўтаў. Дзякуючы аператыўным дзеянням звычайных гарадзенцаў, агонь удалося хутка патушыць і пазбегнуць сур’ёзных наступстваў.
