Трохтыднёвая экспедыцыя суднаходнага праекта “Спадарожны вецер” пачнецца 14 ліпеня ў Гродне. Рэканструктары эпохі вікінгаў разам з адважнымі добраахвотнікамі плануюць праплысці па Нёмане да Балтыкі на фестываль “Свята мора” у Клайпедзе. Праўда, сярод гарадзенцаў не знайшлося жадаючых адправіцца ў падарожжа.
Цяпер ездзіць за мяжу на сваім аўто можна будзе часцей, чым раз у 8 дзён.
Не паказаўшы годнай гульні, форвард Раман Васілюк пакінуў “Нёман”. Афіцыйны сайт гарадзенскага клуба паведамляе, што зрабіў ён гэта па сямейных абставінах.
У ДАІ афіцыйна пракаментавалі інцыдэнт звязаны з рэзананснай пагоняй, якая адбылася ўвечары 4 ліпеня на праспекце Янкі Купалы. Серабрысты Mercedes, які пераследавалі патрульныя машыны, быў знойдзены ў гаражы. Па факту сутыкнення праводзіцца службовая праверка.
5 ліпеня “Твой стыль” у рубрыцы “Пагляд” апублікаваў матэрыял “Нешта не так!” Як у Werden вынайшлі “бэйгл па-гарадзенску”, у якім выказвалася прыватнае меркаванне аўтара з нагоды замоўленай стравы. Кіраўніцтва гастрабара даслала ліст, у якім выказала сваё меркаванне адносна апісанай у лісце сітуацыі. Публікуем яго на нашай старонцы.
Камісія сейму па справах кантактаў з палякамі за мяжой пазітыўна ацаніла кандыдата на генеральнага консула ў Гродне Яраслава Ксёнжэка. Яго сябры камісіі падтрымалі адзінагалосна. Ксёнжэк працуе ў Міністэрстве замежных спраў з 1993 год, ён працаваў у шматлікіх дыпламатычных пляцоўках, паведамляе Gazeta Prawna.
Для Гродзенскай выставачнай залы імпрэза, што адбывалася 5 ліпеня, стала незвычайнай. Выстава-перформанс “ТЕЛОвыражение” прадставіла гарадзенцам вынікі сумеснай працы фатографа Святланы Лебедзь і танцавальнай кампаніі “Начало”. Тут паказваюць тое, што немагчыма выразіць праз словы.
Пацярпелыя звярнуліся ў міліцыю ўвечары 2 ліпеня, пасля таго як іх ля дамоў па вуліцы Дзяржынскага збіў невядомы. Дзякуючы аператыўным дзеянням супрацоўнікаў міліцыі, зламысніка знайшлі ў той жа вечар.
На арт-пляцоўцы гандлёвага цэнтра “АВС” гарадзенскі калекцыянер Алег Ёрш адкрыў выставу смеццевага мастацтва. Пабачыць яе можна будзе цягам месяца.
Гродзенскі дзіцячы хоспіс запрашае на святочнае мерапрыемства “Купальскія мары”, якое адбудзецца 9 ліпеня ў цэнтры горада, ля гастрабара Werden па вул. Маставой.
