Гарадзенская танцорка Оля Лета ў маі спрабавала свае сілы на ўкраінскім танцавальным тэлепраекце “Танцюють всi!”. Пабачыць міжнародны сезон шоў на канале СТБ можна будзе ўжо з 2 верасня. Тады мы і даведаемся, ці прайшла беларуска далей.
Паказ найлепшых беларускамоўных рэкламных відэаролікаў, якія прымалі ўдзел у Фестывалі беларускамоўнай рэкламы і камунікацыі aDNaK!, пройдзе 25 жніўня ў 19.00 у гродзенскім Цэнтры адпачынку і развіцця “Партал”.
Пасажыр загінуў, яшчэ тры чалавекі ў шпіталі, а BMW не падлягае рамонту – такі вынік аварыі, што здарылася раніцай 22 жніўня каля Азёр пад Гродна. 27-гадовы п’яны кіроўца не справіўся з кіраваннем і з’ехаў у кювет, дзе сутыкнуўся з дрэвам, паведамілі ў прэс-службе ДАІ Гродна.
Гарадзенскія вулічныя музыкі скардзяцца на прафесійнага бубнача Алега, які стаў гэтым летам граць у цэнтры горада. З-за новага артыста ў музыкаў на Савецкай істотна зменшылася выручка. Сам Алег сыходзіць са свайго месца не збіраецца і кажа, што людзі ідуць туды, дзе ім падабаецца.
Арганізатары першага свята беларускай моды “Святаяннік” хочуць стварыць калекцыю адзення для 15 матуль і дзяцей з улікам беларускай культуры моды XVI-XIX стагоддзя.
Першая пастаноўка бітвы за Беласток, што прайшла ў 1920 годзе, адбылася 21 жніўня на скрыжаванні вуліц Варшаўскай і Палацавай. У ёй узялі ўдзел 140 рэканструктараў, піша poranny.pl.
Пасля перамогі ў баі за бронзу ў суперцяжкай вазе ураджэнец Дагестана, які прадстаўляе Беларусь, Ібрагім Саідаў прызнаўся “Прэсболу”, што змагаўся на ўколах.
Гарадзенскія і мінскія музыкі ўвечары 21 жніўня зайгралі джазавыя і блюзавыя кавалкі на прыступках палацу культуры тэкстыльшчыкаў у Гродне. Выступілі не толькі гарадзенцы “Радыус 02II40”, “SHADE OF WHITE” і АТРтрыа Ігара Гіро ды мінчукі Уладзімір Ткачэнка і Людміла Куц, але і віленскі “The Road Band”, які прыехаў у Гродна адразу з фестывалю кантры ў Вісагінасе.
У гарадзенскім клубе ваенна-тактычных гульняў “Цэнтурыён” збіраюцца людзі, якія цікавяцца варгеймамi і скiрмiш-гульнямі з мініяцюрамі. Клуб існуе некалькі гадоў, але адзінкі застаюцца тут надоўга. Зараз хлопцы хочуць папулярызацаваць сваё хобі і гатовыя распавядаць гарадзенцам пра Warhammer 40 000.
Барэц вольнага стылю Ібрагім Саідаў, які прынес Беларусі дзявяты алімпійскі медаль, ужо на п’едэстале зрабіў свой ”Алімпійскі выбар”. Па рашэнні Саідава Прэзідэнцкі спартыўны клуб накіруе 7,5 тысяч рублёў на падтрымку школы вышэйшага спартыўнага майстэрства ў Гродне.
