Джон Вэбстэр з Шатландыі ездзіць на байку ўжо паўстагоддя. За гэты час ён скалясіў усю Еўропу, пабываў у Амерыцы, Аўстраліі і Новай Зеландыі, а сёлета, па запрашэнні гарадзенскіх сяброў-байкераў і Лідскага клуба Devoid of rights, завітаў у Беларусь.
Гарадзенскі “Нёман” пачаў удзел у традыцыйным Кубку Дубко з перамогі. У першым паядынку падапечныя Сяргея Пушкова толькі ў трэцім перыядзе змаглі пераламаць зыход сустрэчы з грозным “Славуцічам”. Выніковы лік 2:1 на карысць “Нёмана”.
Пасля публікацыі ў часопісе «Имена» артыкула пра тое, што на ўсю Беларусь – у Гродне – працуе толькі адна сацыяльная няня, якая даглядае малых-сірот у бальніцах, чытачы абурыліся настолькі, што вырашылі праблему за пару тыдняў. Яны дапамаглі Чырвонаму Крыжу наняць яшчэ шасцярых! Для дваіх сродкі пералічылі чытачы з Беларусі, яшчэ для адной – беларусы са штата Мінесота (ЗША), а яшчэ чатырох нянь прафінансаваў адзін з беларускіх ІТ-бізнесменаў. Так што цяпер няні будуць не толькі ў Гродне, але яшчэ ў Наваградку, Лідзе, Слоніме і Ваўкавыску! Вынік: у гэтым годзе каля 700 малых, ад якіх адмовіліся бацькі, не будуць самотна плакаць у закрытых бальнічных «боксах».
Першы пасля доўгага перапынку пасажырскі цягнік з Польшчы прыедзе ў Гродна 4 верасня. Спалучэнне фінансуецца Міністэрствам інфраструктуры і будаўніцтва Польшчы, абслугоўваць будзе фірма PKP InterCity.
Крыж на вежы касцёла два месяцы таму пагнуў магутны ўраган, які прайшоўся па Гродна і вобласці. Канструкцыя, якой каля 70 гадоў (крыж усталёўвалі ў 1940-я пасля ваенных знішчэнняў), не вытрымала ветру і пакасілася. Зараз на завяршэнні вежы паставілі будаўнічыя рыштаванні.
Цікавы фармат адпачынку – маляванне па матывах класічных карцін – прапануе ў Гродне суполка Red Art. Ахвотныя паспрабаваць сябе збіраюцца ў адной з гарадзенскіх кавярняў і пад кіраўніцтвам прафесійнага мастака ствараюць копію-інтэрпрэтацыю якой-небудзь знакамітай карціны. Філіжанка кавы, кубак чаю ці бакал віна спрыяюць разняволенай атмасферы сустрэчы, а каб голад не адцягваў увагу ад творчасці, у перапынку гасцям падаюць салат. Праз дзве гадзіны кожны удзельнік мае мноства добрых уражанняў і ўласнаручна створаны шэдэўр.
Узровень злачыннасці ў Гродзенскай вобласці павялічыўся на некалькі адсоткаў, але супрацоўнікі міліцыі працягваюць раскрываць усе зарэгістраваныя сур’ёзныя злачынствы. Больш за палову такiх злачынстваў здзяйсняюць у цёмны час сутак у стане алкагольнага ап’янення. Пра гэта на сустрэчы з журналістамі 24 жніўня расказаў начальнік УУС Гродзенскага аблвыканкама палкоўнік міліцыі Вадзім Сіняўскі.
Адзін з самых дзіўных угонаў адбыўся ў Гродне, паведамілі ў прэс-службе мясцовай міліцыі.
У Гродне ў пчаліны домік усталявалі вэб-камеру. Цяпер назіраць за жыццём насякомых можна ў рэжыме анлайн. Такое “падглядванне” за пчоламі неабходна выключна ў навуковых мэтах.
Другі год запар прыбалтыйскі горад Ліепая сабраў на сваёй лядовай арэне аматарскія хакейныя клубы з Латвіі, Літвы і Беларусі для ўдзелу ў турніры “AMBER PUCK”. З 18 па 20 жніўня шэсць каманд упарта змагаліся за месцы ў турнірнай табліцы. Саступіўшы толькі гаспадарам турніру, гарадзенскі “Авангард” заняў другое месца, а капітан каманды Алег Гарацкевiч быў прызнаны лепшым бамбардзірам турніру.
