Не паспеў Ібрагім Саідаў прыехаць у Гродна, як ужо стаў мясцовай зоркай. Барца, які заваяваў для Беларусі бронзавы медаль, гарадзенцы сталі пазнаваць на вуліцах і віншаваць. Хтосьці падыходзіў каб сфатаграфавацца, хтосьці проста казаў дзякуй. Спартсмен распавёў “Твайму стылю”, што медаль дастаўся яму дзякуючы беларускаму народу.
На дамах у гарадскім пасёлку Мір усталёўваюць новыя шыльды. На іх побач з сучаснымі назвамі вуліц мястэчка — і гістарычныя. Усяго будзе ўсталявана 76 новых шыльдаў. Яны вырабленыя за грошы і з ініцыятывы музею «Замкавы комплекс «Мір». Вуліца Ленінградская некалі была Завальнай, Маскоўская — Глухой, Чырвонаармейская — Нясвіжскай, Піянерская — Падолам або Броварамі.
Гродна ўвойдзе ў прылягаючыя да рэкрэацыйнага парку “Аўгустоўскі канал” тэрыторыі, якія неўзабаве замежныя турысты змогуць наведаць без візы. Пра гэта паведаміў у Facebook намеснік міністра спорту і турызму Міхаіл Партной. “Зараз ідуць сагласаванні з зацікаўленымі ведамствамі і рыхтуецца пастанова Савету Міністраў”, – напісаў чыноўнік.
Прэзентацыя настольнай гульні “Гаспадар цмокаў” пройдзе ў Гродне 28 жніўня на пляцоўцы каля Тэатр лялек, у кавярні “Шэкспір”. Наведвальнікаў часае гульнятэка і розыгрыш першых экзэмпляраў гульні. “Толькі самы спрытны і ўважлівы зможа прыручыць цмокаў і стаць іх гаспадаром” – папярэджваюць стваральнікі настолкі з крамы “Кубік” і творчай групы “А4”.
Развадны пешаходны мост над Нёманам можа бліжэйшымі гадамі паўстаць у Гродне. Такую ідэю абмяркоўвалі на сустрэчы творчых людзей горада са старшынёй гарвыканкама Мечыславам Гоем. Рэалізацыя прапановаў мяркуецца праз сумесныя з Польшчай, Літвой ці Латвіяй трансмежныя праекты. Гарадзенскія раварысты прааналіавалі даступную інфармацыю пра будучы мост і прышлі да высновы, што распрацоўшчыкі праекта ізноў праігнаравалі іх інтарэсы – меркаваная шырыня маста надта вузкая для бяспечнага руху на ровары. Актывісты “Велагродна” звярнуліся да Мечыслава Гоя з лістом, дзе прапанавалі перапрацаваць праект з улікам інтарэсаў раварыстаў і прапанавалі кансультатыўную дапамогу.
У Гродна прыехаў новы Генеральны консул Рэспублікі Польшчы Яраслаў Ксёнжэк, паведамілі “Твайму стылю” ў консульстве. Пакуль не паведамляецца, калі консул афіцыйна пачне сваю працу. Напэўна, яго місія распачнецца ў верасні. Вядома, што ўжо на наступнымі тыдні ён плануе сустрэцца з мясцовымі ўладамі. Таксама яго ўжо бачылі на адкрыцці выставы ў галерэі Тызенгаўза 23 жніўня.
У Гродне 23 жніўня зафіксаваны чарговы выпадак жорсткага абыходжання з жывёламі. На вуліцы Паўднёвай мясцовыя дзяці заманілі бяздомнага сабаку ў пад’езд і, як мяркуецца, скінулі з вышыні на казырок пад’езда. Занепакоеныя жыхары дома, якія пачулі выццё сабакі, выклікалі супрацоўнікаў МНС, якія і знялі жывёлу з казырка.
У Гродне адкрыўся новы фастфуд з канцэпцыяй сусветных брэндаў. Група маладых гродзенцаў рэалізавала мару і адкрыла ў цэнтры горада незвычайнае кафэ пад назвай “ПарКинг”.
У Гродне, пасля працяглага перапынку, пачаліся будаўнічыя работы па ўзвядзенню футбольнага манежа ў Пышках. Праца ідзе ў дзве змены. З 15 верасня плануецца пачаць укладку футбольнага поля і ўстаноўку паветраапорнай канструкцыі. Зараз будаўнікі падрыхтоўваюць бетонную падставу.
Каб стаць моцнай, прыгожай і падцягнутай, не абавязкова хадзіць у клубы і займацца на складаных трэнажорах. Дасягнуць дасканаласці можна і на вулічнай спортпляцоўцы. Пра гэта “Твайму стылю” распавяла гарадзенка Юлія, якая ўжо чатыры гады займаецца варкаўтам.
